Menu Sluiten

Toaltied: n Wegje noar Frieslaand Tonko Ufkes

n Woord ien n streektoal verschoeft / verschuuft / verschoft / verschuft
laangzoam van oost noar west en van noord noar zuud. Zuks is duudlek te zien laangs n grens; ien ons toal is te heuren dat we niet noast Duutslaand leggen mor noast Frieslaand. t Bekendste veurbeeld is t woordje ā€˜jimā€™ [ien t Hollands ā€˜jullieā€™]. Ien Frieslaand wordt t bruukt, wij ien t Westerketier bruken t, mor nargens ien e rest van Grunnen.

An meer woorden ien ons toal is zuks te zien en n aander mooi veurbeeld is t woord ā€˜ree / reedā€™. Volgens t dikke woordenboek van K. ter Laan uut 1929 is dit de ā€œlaan van de boerderij naar de wegā€. De noam ā€˜reeā€™ wordt bruukt ien Hunsingo en t Westerketier mor volgens de herdruk van t woordenboek uut 1952 wordt de noam ā€˜reedā€™ allent ien t westen van t Westerketier bruukt. De
streek dus die stief tegen Frieslaand aanlijt. Dat klopt; op Zeuvenhuzen is de ā€˜Krijthereedā€™, ien Kornhorn ā€˜De Witsreed & Storteboomsreedā€™, ien Grodegast ā€˜Havingaā€™s reedā€™, Doezum het de ā€˜Harkereedā€™, Kommerziel de ā€˜Molenreedā€™ en ien De Penne bennen zulfs vief stroatnoamen
op ā€˜-reedā€™ (Broersmaā€™sreed, Leidijks reed, Zuiderdwarsreed, Westerdwarsreed
en Oosterdwarsreed). Mor dat is ok al host Frieslaand . . .

Tonko Ufkes