Op zotterdag12 feberwoarrie binnen ien e studio van RTV Zulthe delen van een podcast (dat is eileks kieken met dien oren) over IJje Wijkstra opnommen.
Michiel van de Weerthof en Lot Broos binnen podcastmoakers van et project Lagelieder, dat loater uutzenden worden zil deur NCRV-KRO. De serie Lagelieder gijt over over mondelinge overlevering van toen en nou. Olde verskes, en verhoalen worden noast e woarheid ploatst. Michiel en Lot strukelden ok over n lied over IJje Wiekstra en ze werden slim benijd noar et verhoal achter dizze gebeurtenis. Ze moakten een script veur de podcast en zochten noar stemmen om stukken tekst met n Westerkwartierder tongval ien te spreken en toen kwammen ze uut bij Mien Westerkwartier. Hennie van der Laan, Henk Wierenga, Eelke Solle en Gezinus Lambers leenden hun stem veur dizze biezundere actie en RTV Zulthe waarkte metdeur de opnoamestudio en een technicus beschikboar te stellen. Michiel en Lot kwammen die middag nog meer onner de iendruk van de opmerkeleke persoon IJje WIkstra
Ien juni zil de podcast te beluusteren weden.
Op de foto Gezinus Lambers, die IJje een stem gaf..