Menu Sluiten

Mien Westerkwartier-podcast is start ien Zeuvenhuzen.

Op onze webstee schrieven we over t Westerkwartiers, mor t is vanzulf nog veul mooier om de toal te heuren. Verhoalen, verskes, gedichten der stijt al vanalles onder et kopje ‘Luustern”. We voegen doar nou wat nijs aan toe. We holden gesprekken ien één van e dörpen van t Westerkwartier over n gebeurtenis die ien t verleden ien t dörp speulde. Doar moaken een soort radiouutzending van, een zogenoamde podcast.

Dat doen we soamen met de minsen van e ‘Stichting Ommelander Media Collectief’ die over de apparatuur beschikken en veul ervoaring hemmen met et opnimmen en publiceren van n podcast. De eerste podcast is opnommen ien Zeuvenhuzen met Zeuvenhuusters die vertelt hemmen over de gebeurtenissen rondom de verkiezing van t dörp as ‘t Leukste Dorp van Groningen’.

t Is ok te beluustern op: https://anchor.fm/mien-westerkwartier

en op Spotify te vienden op ‘Mien Westerkwartier’. Heb je ok n mooi onderwarp veur n podcast, stuur dan n mail noar:  info@mienwesterkwartier.nl, dan kieken wij of we der moois van moaken kinnen