Menu Sluiten

Met- Stip-dierenriem uut Middelsom

Lestdoags al wat dierenriemkes van Reinder Willem Hiemstra publiceerd, woarien de dichter aan e hand van dieren de dörpen van t Westerketier tiepeert.

Weer een nij riegje, veul plezier dermet.

Op Kwákers

n Kikkerdief liep zacht en zee

strakjes wil ik bij de thee

n springkikker uut Heereburen

mor ach hoe dom. dat zol even duren

de kwákers vonden hem vrij naïef

verstopten zich theecoratief

Want alpmoal die op kikkers oasen

gooien ien heur eigen brillegloazen

Op n bok

n Zegebok uut de Piebos

wis niet woar de pieën mos

lag zien poot half ien e nek

zeeg zichzelf host ien e bek

bokte hem zo gek as wat

belkte om n nij petgat

“Oe Heden” zee oma en ze wos

dat bennen streken uut de Piebos

Reinder W. Hiemstra