Zundagsmörgens, gingen wij als t tied van t joar der weer was, kiewietseier zuken. Zo ok op die mooie zundagmörgen ien meertmoand 1964.
Voaije en zien vier jonges,woar ik de jongste van ben. Polsstok met en n muts op vanzulf, want doar moeten de eier onder. En lutje eerappeltjes ien e buus, dat bennen de nep eier. t Was n schiere mörgen, we kwammen met ZES kiewietseier thuus.
Nou en wat moeten we met aal die eier zee moeke. Dat wiet ik wel zee voaije, t is nijie week poasen en dan mor ien e koekepanne had k zo docht.
Eerste poasdag de eier ien e panne, de eerste twee heule mooie gele dooiers, de daarde en e rest waar n allemoal bebrud, dus gien kiewietseier mor gewone pieke-eikes. De kiewietseier bennen op de misbult kommen.
Kloas v/d Kibbelhoogten
Zeuvenhuzen