De bomen proaten niet meer met nkander
Het gras holdt hum stil, de woerd zien vrouw is vot:
Hij boant hielmoal allinneg zien weg deur t eendenkroos,
Denkt stiekem wat is hier ien e godsnoam loos?
Eefkes verderop kommen wat minsen veurbij
Ze kieken nkander niet aan, lopen hoasteg
Zunder wat te zeggen deur,
Op t zaandpad hier vlak veur mij –
t Liekt of ze mij op mien bankje
Niet zitten zien, zeggen gien goeiedag,
Ze zetten mij stilzwiegend ien mien hemd,
Ze bennen niet allinneg van mij, mor ok
Van heurzulf vervremd.
Bert Weggemans (2020)