Menu Sluiten

De vierjoargetieden toen en naauw, Geert Braam

Winter.

We kieken uut noar de witte snij,
Mor wordt t eigeleks nog wel winter?
Het liek voak veurjoar/of haarst
Dit is al n aantal joaren zo
De vogels begunnen sums al te nusseln
De bomen botten uut,
De bollen kinnen zich niet ondergronds holden.
Toch wiet ik wat een echte winter is.

Lente.

t Blift lagetied slim nat op laand
Mor dat is al moanden zo
De natuur herstel zich is t proatje
Plots wordt het toch aans,
t Is oavends is t al langer licht.
Ien korte tied knapt alles uut de grond,
t Laand wordt hier en doar as een fluwelen lap.
Toch wiet ik wat een echte lente is.

Zummer.

t Is zummer,
voak vernimst er niks van.
Ja ien de juni moand is t voak mooi weer,
De grote vakantie brekt an en t is weer mis,
Huule volksstammen zitten ien een tentje te kleumen,
Ze loaten zich niet kennen,
Andern hemmen de verre zun opzocht.
Mor wees eerlek
Toch wiet ik wat een echte zummer is.

Haarst.

Wat is de haarfst nou aans as de andere joargetieden?
Ik wiet het niet meer, het moakt niet veul verschil
met de winter, lente of zummer
Ien de vroege haarst is hemmen wij meesttieds een mooie noazummer
Of was t de enige zummer van t joar?
Toch wiet ik wat een echte haarst is.

Vier ien een, noaschrift.

Alle joargetieden een pot nat,
We wodden t een beetje zat,
We willen weer terug noar die olle tieden,
Stop de uutsteut van schoadeleke stoffen
We huffen dit niet meer, dit gijt goed mis met t weer.
Alle joargetieden dan weer as van olds.
Ien de winter weer op scheuvels,
Ient veurjoar lekker veul buten weden,
Ien de zummer buten leven ien de zun
Ien de haarfst noagenieten van t huule joar.

Geert Braam