Berend had zien Corona-aanval goed deurstoan. Dat fitte lief van hem, dat had m red. Vijf weken noa et carnaval was er weer zo fit as een hoentje. Mor aan et waark kon er niet, want de sportschoelen bleven dicht. En zelf een bietje prutsen met zandzakken en touwen op et sportveldje veur zien appartement, begon ok snel te vervelen.
Gelukkig kreeg er vlot oafleiding! Hetty, zien vriendin die hem as n Lorelei noar et carnaval ien Breda lokt had, besloot om studentenhuus ‘Cora van Mora’ te verloaten, want ze kon toch niet noar de RUG. Weerom noar Moeke ien Breda was ok niet aanlokkelek, dus noa twee app-kes met Berend was de kugel deur de kerk, ze kwam bij hem ien wonen. Scheelde heur 500 Euro huur ien e moand en had Berend ok wat aansproak.
Berend zien appartement was groot genog, doar had er wel over noa docht toen er et kocht har. En de eerste twee weken met zien beiden wadden fantastisch. De liefde, n wientje, verliefd op de bank leggen, lekker eten, verliefd noar wieke vrouwenfilms kieken op Netflix en zo nou en dan wat sporten buuten. Toen de verveling toe sloeg, puzzelen en diamond painting was niks veur dizze twee, bedochten ze een plan.
‘Als jij nou buiten eens fitnessles ging geven, dan kom ik langs met hippe en gezonde shakes.’
Gien gek idee van t wicht mor et kon beter. Berend belde met een kennis die een food-truck had, en der weer met stopt was. Berend mocht de food-truck wel op proef bruken. Berend hing er een bord op met de tekst ‘Fit&FunDeurGrunnen’ en schreef zich ien bij de KVK.
t Wicht achter balie was stom verboasd toen Berend zien businessplan uut de doeken dee.
‘Ik rie met mien foodtruck noar een plek ien Grunnen dat met sport van doen het.’ Op die plek doen we fittness-oefeningen. Klanten kriegen via de app te heuern, woar ze noar toe moeten. Toegeliekerties, verkoop ik fitness-drankjes en een gezonde hap vanuut de truck.
Et werd alpmoal nog veul mooier toen Hetty bedocht dat zij dat wel as cultuurgids wandelen kon met liefhebbers. Twee uur wandelen en veuròf koffie met zelfgebakken appeltoart uut de foodtruck en noatieds een lekkere gezonde PokeBowl met een frisse shake.
Hetty moakte een webstee en de eerste keer Fit&FunDeurGrunnen werd op 5 mei pland ien t Stadpark. Binnen 2 doagen hadden zich 15 sporters en 12 wandeloars aanmeld en het werd een groot succes. De mieste deelnemmers wollen drekst wieten woar en wanneer de volgende trip was!
Ze hadden nu al zes vaste plekken, Stadspark, de olde Roeiboan bij Harkstede, n windsurfplek ien t Lauwersmeer, t BloteFoutenPad, De Langeleegte en vandoag weer es bij de Euroborg.
Berend het de luifel van de FoodTruck nog niet uuttrokken of Irma één van de vaste wandeloars schuuft al aan.
‘Lungootje, Berend met een lekker stukje appeltoart’
Ze moeten goed bunkeren want Hetty is vandoag van plan om hen en weer te lopen noar et Oosterpark.
De wandeloars bennen net uut et zicht verdwenen, of de eerste fitness-klanten kommen der aan. Flessen vullen, Spullen eefkes veileg ien de truck opbaargen en dan fiks aan de slag.
‘Kom op, toppers, eefkes opwaarmen’, en Berend loat Wat Aans uut de luudsprekers knappen met ‘Trilploat’. Het mooie van dizze locatie is et kleine fitness-parkje achter de MediaCentrale. Doar kinnen ze mooi gebruuk moaken van de toestellen. Berend dut aan et ende de cooling-down en een poar liefhebbers willen nog eefkes ien et wottervan et Winschoterdiep duuken. Ze doen de shirts uut en stoan al op t raandje van et kanoal.
Berend ruumt vast zien muziekspul op en zigt veut t roam van RTV-Noord ien de Mediacenttale een lange blonde vent met een gries shirt en een stoppelboardje stoan. De blonde kiekt noar de zwemmers, lacht en stekt zien duum op. Berend zigt et en wiest noar zien spandoek ‘Fit&FunDeurGrunnen, altied deurgoan! En zet de Trilploat net eefkes wat haarder.