Menu Sluiten

Are Meijer wint alweer de Freudenthal-Pries

Are Meijer veur de Arena

Old-Gruupskerker het veur de tweede keer de Freudenthal-pries wonnen, de oldste en belangriekste literaire pries ien t Nedersaksische toalgebied. De Nedersaksiche toalen omvatten alle streektoalen over n groot deel van Nederland en Duutsland. Het toalgebied lopt zo n beetje van de Friese Stellingwaarven tot ien Polen, en van de Achterhoek tot aan de grens van Duutsland met Denemarken.

Meijer, die al n mooi schoft ien Amsterdam woont, krigt de pries veur zien Westerkwartierder gedichtencyclus Onweer. Ien 2016 het er de pries ok al es wonnen, mor toen mos er hum delen met de Duutse Jutta Oltmanns. Dis keer is er deur de jury unaniem as enege winnoar kozen.

De Freudenthal-pries 2022 wordt ien september uutreikt op n feesteleke bijeenkomst ien t Duutse Soltau.