De tweede zummer ien Corona-tied was rusteg veur wat betreft publieksactiviteit, mor dat betekent niet dat schrievers, dichters en vertellers stil zatten.
Tonko Ufkes www.tonkoufkes.nl zien nijste bundel ‘De weg dreumen’ kreeg n mooie recensie ien et Drents literair blad ‘Roet’. Are Meijer en Anthony Hoogeveen brochten et voetbalboek ‘‘Smalruggen en sluipmoordernaars’ over 75 joar voetbal ien Griepskerk uut. Van Willem Tjebbe Oostenbrink Onthulling monument werd n gedicht ploats bij t ‘Bruggenmonument’ ien Zuudhörn. De vertellers sloten et seizoen 20/21 of ien Kornhörn en wadden ien e zummer met regelmoat te vienden ien Opende op camping ‘Polemonium’ van Appie Wijma. Mor es kieken wat 21/22 ons brengen zal.