Menu Sluiten

Wie t lest lacht, lacht t best

Het was zotterdag 10 maart, de voetbalcompetitie begon weer. t Was de eerste wedstried van t veurjoars seizoen,  weken traind, iedereen in topvörm. Twee van onze speulers waren niet aanwezeg, ze waren noar n damtoernooi. Doarom hadden we speulers van n ander team metnommen. Ons geheim woapen was er ook: de drieling: er zitten drie meiskes in ons team, een op kiep, een veurin en een op het middenveld . We reden noar t voetbalveld. We mosten tegen H.J.C dat leit in Hollerwiek. Van Groodegast noar Hollerwiek is n hule tocht. We kwammen aan bij t sportveld. Doar werd ons wezen ien welke kleedkoamer we mosten. t Aankleden ging niet vlot want we binnen meer specialiseerd ien voetbal dan ien veterstrikken, dat bleek ok vandoag weer. We liepen t veld op en deden warming-up. t Duurde een tiedje veur de tegnstander ok t veld op kwam, t waren fysiek sterke kerels, ze waren veul groter als ons en ze hadden oranje  t-shirts aan. Ze mosten heul arg lachen, zoals de meeste tegenstanders van ons want we hieten Grootegast en we bin oardeg klein. Ze mosten veural lachen omdat er n meiske op kiep stond. De scheidsrechter had n paars shirtje aan en had tussen niets en weinig hoar op zien kop. Der stond een hek van buizen om t veld hin. De coach pakte stoeltjes uut t wisselspeulersbankje en zette die ien t zunnetje en ging zitten.We waren met 12 en der mochen 11 speulers ien t veld, dus we hadden 1 wissel. Tjerk, n jongen uit ons team was vaaln met zien fiets toen hij stoer deed veur zien vriendje. Tjerk speult op links veur, omdat hij vallen was en de hule tied wissel stond, ging ik op links veur.Wij hadden wind tegen en de tegenstander de zun in hun ogen. t Veld was redelijk mor as je viel,  had je geliek je knijen zwart. De bal was zwart-wit. De eerste tien minuten speulden we moateg en de tegenstander kwam 2-0 veur. We lieten ze niet zomor winnen en we speulden op ons best dat het ons 2 doelpunten opleverd. De schiedsrechter floot of, t was rust. De ruststand 2-2. Ien e rust besproken we wat er mis  goan was en wat er beter most. De 3 doames in ons team mosten zoas gewoonlek weer noar de wc. Der werd drinken brocht en we lebberden t lekker op.Noa de rust ging de wedstried weer verder.Ons team speult de hule tied over rechts want de meeste speulers van ons team binnen rechts, behalve Tjerk mor die stond wissel. De coach van de tegenpartij had ok zien dat wij de hule tied over rechts speulen dus had hij ien de rust tegen zien team zeid dat ze op rechts verdedigen mosten en hij had de beste speulers doar hin zet dus links was veur mij hulemoal vrij. Doordeur had ik veul ruumte en kon ik goeie veurzetten geven  en ok met succes, er werd twee keer uut n veurzet scoort. t Was dus 4-2 veur ons. We gingen wat relexer speulen en de tegenstander kwam meer vrij en ze scoorden, 4-3. Een tiedje loater begonnen we weer beter te speulen, we deden snelle combinoaties en n goed positiespel. Doar hadden we ok op traind, oefening baart kunst. We scoorden. 5-3 veur ons. De wedstried was bijna veurbij en de tegenstander zette alles op alles om de stand nog ien evenwicht te kriegen. Een lange jonge gaf n steekpass noar n kortere jonge die veurin stond, die jonge stond wel butenspel dudelek zelfs mor de scheidsrechter zag t niet dus liet er deurspeulen tot mien grote verboazing want ik zag t wel en ik stond aan de aandre kant van t veld. Het leek wel asof hij t expres deurgoan liet. Als er gien doelpunt uut kommen was, had ik hem wel vergeven mor dat doelpunt kwam er wel , 5-4 noa meschien een minuut of drie floot de scheidsrechter of. FC Grootegast had de overwinning op zak  5-4 Douchen en aankleden en gauw weer noar huus.

Dirk Jan Apoll