De regenwiend
Schut deur bij vloagen,-
Het t aal verniend
Deurwiekt en sloagen.
n Kraaienvlucht
Dreit lui sien kringen;
Log leit de lucht
Op schieve vringen
Woar t pluusterg reit
Verweit ien n kluuster,
Doar loert en leit
Het schemerduuster.
Wat het nog n stem,
As wiend en regen?
Nou holt n klem
Het leven tegen,-
Dat sloerig stuukt:
Het t met sien geven
Sien kracht verbruukt
En rust t nou even?
O dag, wat bist?
Wat wist? Ons ploagen?
Hemmen w óns vergist
Ien lichte doagen?
Uut de bundel ‘Verzoameld waark .Gedichten ien t Westerketiers’ van Jelte Dijstra (Nikloas Griep)