Menu Sluiten

Sprookje?– Are Meijer

Lees mor met, sprookjes doen niet aan tied,
kenst alles worden, k heb t niet van zeggen heuren:

een porre wer ik, mien perspektief week,
ik zat ien n bliekje, om mij hen schoten bomen omhoog,
met kroakende woddels, krimpscheuren, groeistupen,
t joeg mij de stupen op t lief
ik zaag aan e eerde ontstegen vliegmesienen,
die lienen ien e lucht schreven, reigers werden,
en aaltied al reigers west waren

stil bleef ik zitten, ien e hoop dat mien kleur groen
niet ofstak tegen t groen van t gras

Are Meijer (2020)