Ien 1985, net 35 joar leden, kwam bij t opknappen van e kerk van GlĂŹns [Godlinze] prachteg schilderwaark onder t witkaalk vot; de heilege Catharina, n Madonna met kiend en wat niet al. En midden ien e kerk is nou weer n olde tekst te lezen die begunt met: âInt jaer 1571 is desse kercke neis gereparertâ. De woorden bennen ien t officiĂ«le Hollands van die tied, mor t liekt toegelieks veul op ons toal van tegenwoordeg: âIen t joar 1571 is dizze kerk(e) vannijs repareerdâ.
n Nog duudleker veurbeeld stijt op n soort collectebus uut 1737 die ien t Groninger Museum bewoard wordt. n Foto van dizze bus stijt ien de dikke âGeschiedenis van Groningen, deel IIâ uut t joar 2008, op bl. 328: âDeze bus is van nies gerenoveertâ. Ok hier heuren we deur t officiĂ«le Hollands de echo van ons woord: âvannijsâ.
âOldâ en ânijâ zit sums ien noamen van dörpen die noast nkander leggen, ien t Westerketier gijt dat om: Olhoof [Oldehove] – Nijhoof [Niehove], Ollekerk [Oldekerk] – Nijkerk [Niekerk], Tolbert [= t âol buurt] – Nijbert [= nije buurt = Niebert]. De noamen bennen dus niet op zien âHollandsâ zukswat as Oudehove of Nieuwbuurt, mor zitten stief tegen t Grunnegs aan.
Ien Frieslaand zien we host t zulfde; doar lijt Oldeberkoop noast Nijeberkoop en Oldelamer noast Nijelamer en bennen noamen zo as Nij Beets. Ien Drenthe hiet n dörp Nijensleek, aans zeid: de noamen bennen dus niet âop zien Hollandsâ Oudeberkoop, Nieuw Beets of zo.
Noa al dizze woorden over old en nij komt nou nog t belangriekste. Veur jim aalmoal: n hiel goed nij-joar!
Tonko Ufkes