Menu Sluiten

‘Mien dörp’ veur alle scholen.

Foto: De Streekkrant. Jan Hut (Mien Westerkwartier) en Taeke Veenstra (SNS Fonds Grijspkerk)

Mien dörp is woensdag 15 september officieel uutlangd op basisschool De Triangel ien Griepskerk. SNS Fonds Griepskerk trad op as sponsor veur t beschikboar stellen van de boeken aan alle scholen ien t Westerkwartier. Taeke Veenstra van t fonds kreeg een deus met boeken en hij gaf die geliek deur aan Patrick Tuil, directeur van de overkoepelende scholenorganisoatie Quadraten en directeur Gerda Kastermans (foto boven) van de Triangel.

Eén van de verhoalen uut ‘Mien dörp’ gijt over ‘De Duvelskolk’ tussen Nijziel en Noordhörn. Verhoalenverteller Piet de Vries, geboren op de Kolk, vertelde et verhoal aan e kiender van groep vijf en zes van De Triangel.  Ze kinnen meschien wel gien Westerkwartiers proaten, mor ze hadden goed deur woar t over ging en vonden et spannend. De meesters en juffen kinnen nou aan e bak!