Menu Sluiten

‘Ik Proat Plat’ zuukt olle foto’s uut et Westerkwartier

Al vief joar schrieven Henk Wierenga, Piet de Vries en Geert Zijlstra wekeleks een column ien ‘De Streekkrant’ onder e titel ‘Ik Proat Plat’, stukjes ien et Westerkwartiers. Et gijt host altied over t Westerkwartier, met zien toal, geschiedenis en natuur.

Regelmoateg komt de vroag of dizze verhoaltjes ok ien n boekje stoan? Nee dus, mor doar bennen we drok met ien e weer. De verhoaltjes bennen kloar, mor we willen groag nog wat foto’s bijsluten om et beeld compleet te moaken. En doarom vroag we jim hulp.

Verzoameloars, oudheidkoamers en particulieren die mooie olde foto’s hemmen kinnen ze ien die boekjes publiceren. We zuken olle gebouwen, verdwenen landschappen, beoefenoars van olle beroepen as veldwachter, rietsnieder of kalverschetser beveurbeeld.

Neem contact met ons op en stuur een mail noar info@mienwesterkwartier.nl.

De verhoaltjes binnen te lezen op: Ik Proat Plat