Menu Sluiten

‘IJje aans verteld’ op herhoaling

Ien 2016 voerde Kom op Verhoal met sucecs de vertelveurstelling ‘IJje aans verteld’ op en we hemmen besloten om e veurstelling ien 2022 weer te speulen.

Ien ‘IJje aans verteld’ wordt vanuut 7 personages keken noar de persoon IJje Wijkstra en de sociale en economische toestand, woarien hij leefde ien e joaren twinteg van e veurege eeuw. De mins achter IJje wordt belicht en natuurlek wordt ok verteld over de tragische schietpartij aan de Rötteloan.

Op 22 mei wordt de ‘Speulkoel’ ien Anloo aandoan, op 29 mei speulen we ien Middelstum en op 3 juni et dörpshuus van Doezum.

Op 29 en 30 oktober wordt de veurstelling speuld ien t Barontheater ien Opende.

Ien Anloo en Middelstum wordt de veurstelling as locatietheater uitvoerd. t Publiek trekt dan ien groepkes van circa 15 minsen langs de vertellers, die op vaste plakken op n route stoan en aan t inne van e reis kommen ze soamen veur de ofsluting van e veurstelling.

Meer wieten stuur een mail noar: info@mienwesterkwartier.nl.