Hiel optied het de zun de lucht ien kleuren zet
met rood –oranje, geel en violet.
Aal t anere wordt temperd deur de mörgendaauw,
die de graauwe lienen wat ofzwakken wil.
En doar hielemoal boven is t sloaperege blaauw.
Zo is alles hiel eerbiedeg stil
veur de nije dag met t mooiste begun;
n kunstwaark van de zun.
n Kunstwaark – Egge Wieringa
![](https://www.mienwesterkwartier.nl/wp-content/uploads/boek-coby-poelman-112x150.jpg)