Gemnaine gloeperd,
Viliane sloeperd,
Doe veujoarsploag
Vergif veur de zenen
Doe wuilst deur de schenen,
In daarms en moag!
De leden trillen,
de koezen killen,
En ales hangt slap;
D’ooren soezen,
De botten vergroezen,
En d’hazzens ben pap!
t Is braanden, steken;
De rogge wil breken,
De polze jadt,
Dikke gewrichten,
Zwollen gezichten,
En t heufd is n vracht!
Doe moest moar reken;
Dien ploertenstreken
En dien venien
Wil’ wie bestrieden
In aal ons lieden
Mit vitoamien!