Wij hemmen twee honden en dat bennen best twee grote jongens. Ze doen werkelek gien mug kwoad mor dat leuft natuurlek niet elkeneen. Het is vanzulf zo dat dizze twee jonges het hiem verdedegen. Zo gauw a-der een aankomt dan kommen de mannen ien actie. Met heur beide diepe basstemmen joagen ze elk de schrik op t lief. En zo moet dat ok. En het warkt! Ik heb n broer die politieman west het mor die blift ien e auto zitten as er bij mij komt. Hij moet er niks van hemmen die schiet-ien-e-boksem.De oldste hond het nogal wat mankementen. Zien rug is vergroeid en de achterkaant zit vast. As er ien t enne kommen moet dan gijt dat ien etappes, eerst de ene poot en dan de aander. En a-der lopt dan slingern de beide poten hinneweer, t liekt wel of a-der dronken is.
We hemmen de hond iendertied ophoald uut t Ganzeparadies ien Dalen. t Was n hiele belevenis. De hond had n kameroad, een brandgans genoamd Davinci, ze wadden onofscheidelek. Die gans draaide de hiele tied mor om e hond hen, as ik ok mor een haand uutstak noar de hond dan had ik de gans ien e hoaren hangen. Het was een kompleet drama. Wij wisten veurdat we Maluah ophielden niet dat er n gans bij heurde. Mor het had het ok wel wat biezunders, twee totoal verschillende dieren die onofscheidelek wadden. Dat wil zeggen, de liefde kwam volgens mij allent van e gans, de hond gaf gien enkele bliek van liefde veur Davinci.
Op een mooie veurjoarsdag ging ik met de beide honden t laand ien. Het gras was al beheurlek hoog en dan lopt het zwoar. Maluah had er totoal gien muite met, die droafde en vloog alle kanten uut, mor de gans, die niet vliegen kon, kon niet uut de voeten. Alle keren as er zien best dee dan viel er veurover en het duurde dan ok mor even of hij was een hiel enne achterop. En toen we weerom gingen, kwammen we hem weer tegen en hij hoakte weer aan. Mor het was van körte duur, het beestje bleef weer achter. Het was het begun van t enne. De gans was genezen en liet de hond ien e steek. Hij ging zien eigen gang, sloot zich aan bie onze aandere ganzen en de hond vond et wel best. t Is met de gans trouwens niet goed oflopen, uuteindelek i-der pakt deur de vos die onze hokken met veul pluumvee regelmoateg bezöcht.
Met e hond ging het wel goed, we hemmen der n tweede bienommen en met zien beiden is het n pracht stel. Wies met mekoar en wies met ons. Het enege woar of ze ruzie over moaken kinnen is t eten, dineren met mekoar i-der niet bij. Oflopen week ging t fout. De olle hond ging aan e wandel omdat het hek open stond. Terwiel datter host niet meer lopen kin, was er toch n mooi endje uut e buurt. Op een geven moment stond er n man bij mij veur de deur die vroeg of ik n hond kwiet was. Ik was me van gien kwoad bewust, mor ik zag het hek openstoan en de hond wa-der niet. Dus ik loop met de man met en zag Maluah zo’n viefhonderd meter verderop bie n boerderij stoan. De mensen hadden hem vastholden omdat ze dochten dat er aanreden was, hij liep midden op e weg te slingern.
Hij is weer thuus en leit de meeste tied lekker buten. Ik ben mij der van bewust dat het de langste tied duurd het met Maluah. k Heb het al verscheidene keren metmoakt, dat ik ofscheid nimmen most van n trouwe viervoeter Met dizze zel het ok wel niet zo laank meer duren. Dut wel zeer, mor ja, dan is der ok weer ruumte veur n nije hond en die krigt dan de kans op n hiel mooi leven. En altied met zien tweeën, dan kinnen ze lekker bassen tegen elk die langs komt.