Op e nij-joarsveziede nammen we òfscheid van Geert. De dag doarnoa stuurde hij et onderstoande bericht wat we hier ok groag delen.
Moi,
Guster heb ik op onze nij-joarsveziede òfscheid nommen as bestuurslid van Mien Westerkwartier. Eind 2006 borrelden bij Niels Meijer en mij wat ideetjes om et Westerkwartiers wat ien e schienwaarpers te zetten. Drie moand loater was de Stichting Mien Westerkwartier een feit en kiek nou e woar we binnen. Website, Vannijs-nieuwsbrief, Ik Proat Plat-column, Moest Heuren, Moest Kieken, Op Struun, Mien Dörp, podcasts en nou ok de Westerkwartierder Kroegkwis (Pubquiz op locatie).
Et was geweldeg om dat soamen met jim veur mekoar te boksen, doarveur veul dank. Ik denk er met veul plezier aan terug en zil zeker ok nog dingen veur Mien Westerkwartier doen.
Ik kreeg as òfscheid bijgoand kunstwaarkje, dat n mooi plakje krigt ien Pieterziel.
We zien mekoar vast weer!
Geert