Menu Sluiten

Amsterdam-West (3) – Met zörg – Willem Tjebbe Oostenbrink

Amsterdam-West (3) – Met zörg

Wij bennen met zörg grootbrocht. Sums
heur je minsen zeggen dat wij
met zoveul bennen. Dat klinkt

zo liefdeloos. Hoeveul wij niet om
ons oksterkroost geven. Met
toewijding en vakmanschap

baauwen wij onze nusten as wiegen. Wij
gooien dr niet met de pet noar. Zulfs eenden
maggen onze nusten lieden. Noeit

gijt n ei verloren. Onze olders
hemmen ons apmoal vliegen leerd.
Gieneent van ons het t onnerspit dolven.

Wij bennen met zörg grootbrocht.

 

(t Gedicht het noajoar 2008 ien Noach’s Kat stoan, editie 25)