Op dunderdag 29 april 2021 is de nije verhoalenbundel van Tonko Ufkes: ‘De weg dreumen’ uutkommen. De prizzentoatie was ien de Cultuurkoepel achter Coendersborg ien Nuus.
t Is al weer zien vierde verhoalenbundel en de tweede die uutkomt bij ‘Het Drentse Boek’. Ien ‘De weg dreumen’ stoan zo’n 40 körte en lange verhoalen en achterop t kaft stijt doarover: “ien sobere toal wordt over gewone mensen verteld. Hij nemt de lezer met het verhoal ien en verrast geregeld deur n verrassende òfloop.”
De bundel kin besteld worden op de website www.tonkoufkes.nl, mor is vanzulf ok bij de boekhandel (o.a. Godert Walter ien Stad en Schoelier ien Zuudhörn) te koop.