Vertelcollectief ‘Kom op Verhoal’ waarkt aan n nije versie van de vertelveurstelling ‘Sporen ien Vrijheid’, die ien november opvoerd wordt ien Opende en Doezum. De veurstelling sluut aan op e viering van ’80 jaar bevrijding’ en is zeker van dizze tied, want de ‘Vrijheid’ stijt onder druk. Een nij verhoal, dit keer met meziek van Mary Lou Warbrook.
In 2020 werd ‘Sporen ien Vrijheid’ speuld, mor wel had toen docht dat we vier jaar loater omringd wadden deur oorlog, terreur en dreiging. Wij gingen der van uut dat de vrijheid veur altied was.
Piet de Vries en Aafke Hoek binnen aan e slag goan met et 2020-script en hemmen der nije verhoalen in verwaarkt. Ok bugen ze zich over de regie en productie en zörgen derveur dat de ‘lösse’ verhoalen één geheel worden. Verhoalen die sums vanuut n verrassend perspectief verteld worden. Verhoalen van helden en anti-helden en van gewone lu ien biezundere tieden.
De zang van Mary Lou Warbrook uut Twijzelerheide met heur ‘Tribute to Vera Lynn’ zil de gedachten 80 joar weerom brengen. ‘We’ll meet again’ en ‘Land of Hope and Glory’ zillen niet ontbreken.
Kom ien vrijheid kieken en luustern op:
Vrijdag 7 november 2025
Aanvang 20.00 uur
Barontheater Opende
Koarten te reserveren op: https://barontheater.heibel.nl/programma/mien-westerkwartier
Entree € 13,75 (incl. pauzedrankje)
Of
Zotterdag 8 november 2025
Aanvang 20.00 uur
t Stuurhuus te Doezum
Koarten te bestellen via dorpshuis@dorpdoezum.nl
Entree € 10,-