Menu Sluiten

Van de wetholder 4

Meertmoand streektoalmoand en de cultuurvisie.

Meert is al n flink end op streek en is ien mien alledoagse wark ok echt n streektoalmoand aan t worden. Het twittern ien t Westerkwartiers blieft niet onzichtboar en leidt meestal tot leuke reacties. En doarnoast ben ik bliede dat ik zo nou en den corrigeerd  wordt. Zo wiet ik ienmiddels dat  t “ik gij” is  en niet “gei” omdat “een geit ien e wei stijt”. Dat ezelsbruggetje zit ienmiddels goed tussen e oren.

Met Tim Lambeck van e Streekkrant heb ik n mooi gesprek had over woarom ik söms plat proat en woarom ik dat bliekboar allineg ien meert doe.Doar woar t ken bruuk ik mien toal groag en mark ik dat et voak op pries stelt wordt. Plat proaten het met “thuus voelen” van doen en dat voel ik me hier ien t Westerkwartier en heul veul mensen met me.

Wellicht hei-je t met kregen dat op 9 meert de cultuurvisie “Ienvesteren ien geluk” ien t roadsoverleg besproken is en op 24 meert zal er denk ik vaststeld worden. Ok doar was er ruumte veur onze streektoal. Willem Tjebbe Oostenbrink het ien aanloop van e behandeling een gedicht over t veurjoar veurdroagen en alle roadsleden kriegen nog n koartje thuus  stuurd met doarop een gedicht van Willem Tjebbe. Doarnoast heb ik nog n aantal bundels van hum (Zolt en stof) die ik votgeven ken aan mensen met belangstelling veur onze toal of nij bennen ien t Westerkwartier.

t Eerste exemploar heb ik aan e mensen van e Streekkrant geven. Der is doar altied ruumte ien e krant veur onze Westerkwartierse identiteit ien e vörm van verhoal, toal of geschiedenis. Meert is zo mor weer om. Mor ik heb me wel veurnommen om te blieven twittern ien t Westerkwartiers. Niet elke dag en niet over elk onderwarp mor as t over onze geschiedenis, toal of cultuur gijt dan ken dat prima ien ons eigen toal, omdat we ons der thuus bij voelen.

Hielke Westra