t Mooiste woord rond Poasen is t woord ‘Poasei’, teminnent, as der meer van
bennen. Wij hemmen dat riemke: “Eén ei is gien ei, twee ei is n haalf ei en drie
ei is n Poasei.” Toch is t normoale meervoud van ‘ei’ t woord ‘eier’. Dat woord
‘eier’ is biezunder; t is n olde vörm die ien t Duuts nog altied veurkomt mor niet
meer ien t Hollands. Ien t Hollands gijt t meervoud nou altied met de letter ‘-s’
of met de letters ‘-en’. Toch zit ien t Hollands die olde vörm verstopt: 1 ei & 2
eieren [dus niet ‘eien’, mor de olde meervoudsvörm ‘-er’ + ‘en’].
Die olde meervoudsvörm ‘-er’ kommen we ien t Westerketiers nog geregeld
tegen, denk an: 1 lam & 2 lammer, 1 kalf & 2 kalver, 1 wicht & 2 wichter.
Tonko Ufkes