Mien Westerkwartier is ien april 2007 opricht en wil:
- Minsen en organisoatsies met nkander verbienden die bezeg bennen met t Westerketiers
- Aanspreekpunt weden veur t schreven en zongen Westerketiers
- Cursussen en lezings geven om t gebruuk van t Westerketiers te bevorderen
- n Webstee beheren vol nuttege ienformoatie
- (Helpen) organiseren en regeln van culturele aktiviteiten
De stichting hiet Mien Westerkwartier omdat elkeneen “Zien” Westerkwartier onder de aandacht brengen kin. Jim eigen verhoal over wonen en warken ien t Westerkwartier willen we groag. Doar is bij ons plak veur. Schrief met an Mien Westerkwartier en wees met andern wies met “Ons” Westerkwartier. t Is e muite weerd!
Activiteiten Mien Westerkwartier
Wat veurbeelden van zoaken woar stichten Mien Westerkwartier met an e loop is:
Webstee Mien Westerkwartier
De webstee wordt n verzoamelplak veur t ‘cultureel Westerketier’. Denk hiebij b.v. an onderwarpen rond; toal, beeld en geschiedenis. Bewoners en bezuukers willen we op n oarege menier zien loaten wat t Westerketier veurstelt.
Netwaark
Mien Westerkwartier verbiendt goenend die ien t Westerketiers schrieven, dichten of meziek moaken. Vanzulf is der ok aandacht veur geschiedenis en beeldmaterioal. t Netwaark wordt baauwt rond (beroeps)artiesten, die soamen heur Westerketierder produkten onder de aandacht brengen willen. t Is ok de bedoeleng om op te treden, boeken en CD’s uut te brengen enz.
Cursussen
Mien Westerkwartier het ien t veujoar van 2008 n cursus “Lezen en Schrieven ien t Westerketiers” regeld. Docenten Alie de Vries en Tonko Ufkes leren dij op n aangenoame menier vanalles over ons streektoal. n Mooi begun veur elkneen die wat met dizze steektoal wil of het.
Meer weten
As joe willen zien wat Mien Westerkwartier de eerste twee joar doan het, kiek dan noar het Joarverslag 2008.