Ok dit joar weer een nije ronde van de 'Schierste Verhoalen van t Westerketier'. We vroagen je vannijs om een mooi vertelverhoal te schrieven dat bruukt worden kin deur de vertellers van 'Kom op Verhoal'.  .

De opdracht is simpel: Schrief een mooi vertelverhoal van circa 5 minuten (dat is annerhaalf A4) over 'Paradiesvogels'. Hij woonde vast ien de buurt, die biezundere man die altied achterste veuren op zien fiets zat. Die vraauw met die bonte flodderjurken en die olde man met zien vremde spreuken. Zet de herinnering op pepier en stuur het ien.

Een jury van vertellers zuukt de mooiste verhoalen uut en bewaarkt ze verder tot vertelverhoal. De pries: eeuwege roem en foam ien t Westerketier!  

De ienzendtermijn is verleng tot 3 juni 201, dus metdoen kin nog steeds. Stuur het verhoal as bijloage ien een mail noar Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..
Ien t noajoar van 2019 is er weer n vertel-oavend van et 'Schierste Verhoal' ien t Barontheater ien Opende. Wel wiet staait dien verhoal dan op de planken.

De Schriefwedstried ‘De Schierste Verhoalen van t Westerkwartier’ leverde mooie nij verhoalen op. Op vrijdag 2 november werden  7 verhoalen verteld ien t Barontheater in Opende,
Tussen de verhoalen deur trad het duo DobbelJoe op.
 
De zoal zat mooi vol met 150 bezoekers die deur de presentatoren Eelke Solle en Henk Wierenga deur de oavend loodst werden.

Piet de Vries, Hennie v.d. Laan, Harke Winter (foto), Rensina Dijkhuizen en Geert Zijlstra wadden de vertrouwde vertellers die op het podium kwammen. Klasien van Wijk en Lucie Pakes maakten hun debuut op t Schierste Verhoal en deden dat met verve. Een geweldige aanwinst veur het vertelcollectief.
De muziek van Dobbeljoe viel goed in de smaak bij het publiek, dat om half 11 tevreden naar huis ging.
Volgend jaar een nieuwe editie, dit keer met as onnerwaarp: 'Paradiesvogels'. Juust, die biezundere mannen en vrauwen die wereld zo'n aparte kleur geven.
Op 28 oktober is t weer de Nacht van de Nacht. Duurzoam omgoan met onze wereld is belangriek en doarom besteden we op dizze dag doar tied en aandacht aan.
In Visvliet doen Dorpsbelang Visvliet en de Gemeente Zuudhörn dat deur een oavendwandeling te moaken. Drie vertellers Aafke Hoek, Henk Wierenga en Geert Zijlstra vertellen aan de deelnemmers verhoalen woar naacht, steerns, moan en de gevoaren van de duusternis een rol speulen. Vanf 20.00 uur ben je welkom ien e Hervormde Kerk van Visvliet.
Kiek ok op: http://www.nachtvandenacht.nl/activiteiten/lezing-en-verhalentocht-nachtelijk-visvliet/

Om 20:00 start ok een wandeling op t Curringheveld ien Kornhorn. Doar is Harke Winter joen verteller.
Kiek ok op http://www.nachtvandenacht.nl/activiteiten/nacht-nacht-wandeling-curringherveld/
 
Ien november verschient 'Zolt en Stof' de tweede dichtbundel van Willem Tjebbe Oostenbrink.
t Waark wordt uutgeven deur Uutgeverij Vliedorp Vierhuuzen.
De gedichten bennen vanzulf ien t Westerketiers en goan over mins-wezen ienbed ien e tied, het laandschap, n autorit as pladdegrond veur t geheugen, verwachting ien n oogwenk en verbeelding.



t Huus van de Grunneger Toal en Cultuur en de Rijks Universiteit ien Stad nuigt aale lu die belangstellen hemmen veur e Grunneger Toal om met te doen aan n Startbijeenkomst van de ontwikkeling van een Grunneger Woordenboek Nije Stijl. t Is van belang dat der zoveul meugelek minsken  kommen om met te doen, want elkneen krigt zien ienbreng – des te meer, des te beter.
 
Aalmoal van harte welkom op: ZOTTERDAG 20 MEI 2017  ien e lokoatsie: Het Kasteel, Melkweg 1, 9718 EP GRUNNING.
Jem kinnen  je aanmelden veur 13 mei op t adres: info@huisvandegroningercultuur.nl


Ien t digitoal poëzie magazine ‘Meander’ is een mooi artikel ploatst over de Westerkwartierder dichter Willem Tjebbe Oostenbrink. Der binnen ok n aantal gedichten opnommen ien t Westerkwartiers met n Hollandse vertoaling.Woaronder t gedicht 'Teken an e waand'.









Teken an e waand

Rogge en riepeltocht hemmen e ruumte opgeven, 
minsen hemmen heur haanden òftrokken 
van dit laand niet meer van melk en hunneg, 
van koeien toal noch teken vernommen.

Ien dizze onder de duum holden palternaksie 
gijt hier n doar n peerd deur verruugde velden 
met pitrussen as teken an de waand 
mor zunder grond veur paniek.

n Mins viendt ien zien streven tekens 
speult bij t leven met symbolen,

n kiend tekent met kriet op e stroatklinkers,
schrift woord veur woord zien toal, en zoekt

et hogerop as t kin veur t achterloaten 
van zien kras ien e muur van t leven.

Teken aan de wand
Koren en kleefkruid zijn verdwenen,
mensen hebben hun handen afgetrokken
van dit land, niet meer van melk en honing,
van koeien taal noch teken vernomen.

In deze onder de duim gehouden wildernis 
lopen paarden verloren door ruige velden
met pitrussen als teken aan de wand
maar zonder grond voor paniek.

Een mens vindt in zijn streven tekens,
speelt bij het leven met symbolen;

een kind tekent met krijt op de straatklinkers
schrijft woord voor woord zijn taal en zoekt het

hogerop als het kan voor ´t achterlaten
van zijn kras in de muur van het leven.
 
Meer lezen, kiek op www.meandermagazine.net of op willemtjebbeoostenbrink.blogspot.nl 
 

Subcategorieën

Ien elke Vannijs een stukje van Tonko Ufkes over de biezunderheden van t  Westerketiers.