barontheaterAnkommend joar weer een nije ronde van de 'Schierste Verhoalen van t Westerketier'. We vroagen je vannijs om een mooi vertelverhoal te schrieven dat bruukt worden kin deur de vertellers van 'Kom op Verhoal'. Vanwege de Corona-crisis is de wedstried verploats noar 2021.

De opdracht is simpel: Schrief een mooi vertelverhoal van circa 5 minuten (dat is annerhaalf A4) over 'Vrijheid. Herrinering aan de bevrijding, eindelek uut die vreselijke baan weg of lekker met pensioen. Kist er alle kanten met op.

Een jury van vertellers zuukt de mooiste verhoalen uut en bewaarkt ze verder tot vertelverhoal. De pries: eeuwege roem en foam ien t Westerketier!  
Doe met en stuur veur 1 november  2020 een mail noar Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..
Ien t veurjoar van 2021 is er weer n vertel-oavend van et 'Schierste Verhoal' ien t Barontheater ien Opende. Wel wiet staait dien verhoal dan op de planken.

Het bestuur van de stichting ‘Mien Westerkwartier’ het de toaken vannijs verdeeld.Ria Horenga is vanòf 17 november 2017 de nije veurzitter en Rensina Dijkhuizen nemt de toak van secretoares op zich. Beiden moaken al een pooske deel uut van t bestuur. Eelke Solle blift de puutholler en Tonko Ufkes en Melle Hijlkema bennen algemeen bestuurslid.Geert Zijlstra is benoam bezig met de webstee en de Vannijs. Doarbij kin er steunen op Willy Bultje (webmaster) en Alie de Vries (toal redactie). Zo kin Mien Westerkwartier wel weer n tiedje veuruut!
                                                                                                 

De dichter Willem Tjebbe Oostenbrink het met zien Grunneger gedichtenrieg ‘Doar buten ien de wiede wereld´ de Johann Friedrich Dirkspries 2017 wonnen. Dizze pries veur nije Nedersaksische literatuur wordt deur de stad Emden om e twee joar toekend.

Mien Wortels is n workshop veur jongern die opzet is deur de bibliotheken ien t Westerkwartier ien soamenwarking met Adri v.d. Veen. Met t geven van de workshop hoopt de organisoatie jongern enthousiast te moaken veur de streektoal. Verleden joar was t resultoat een prachtege bundel met körte verhoaltjes en gedichten schreven deur jongern die op de Woldborg ien Grootegast zitten. Dit joar is de workshop geven deur Alie de Vries en Gert Sennema. Ze hemmen bij drie, derde klassen van de Woldborg west en met de jongern proat over t belang van de streektoal, en hen motiveerd om te goan schrieven ien t Westerkwartiers. t Wadden mooie uren ien Grootegast met veul gelach, grappege gedichtjes en zang, want Gert Sennema het tiedens de workshop verscheidende gedichtjes op meziek zet en zongen.