Ien t kader van ‘Meertmoand Streektoalmoand’ is et al n aantal joaren een goeie gewoonte om de gemeenteroad toe te spreken ien t Westerkwartiers. De gemeenteroad is belangriek as bewoaker van onze toal en cultuur. Dit joar was verhoalenverteller Eelke Solle aan e beurt. Op 31 meert was et zover, hij mocht de road toespreken onder grote publieke belangstelling. t Was n biezundere vergoadering, want der werd òfscheid nommen van 14 roadsleden en die hadden op heur beurt allemoal familie metnommen. Dat verkloart de grote opkomst. Noa n körte introductie deur burgemeester van der Tuuk dee Eelke zien verhoal. Et ging over et karakter van de Westerkwartierder. Wat onderscheidt ze van andern? Ien n hilarisch verhoal kwam et karakter goed noar veuren. Een Westerkwartierder is groag bezeg zunder dat andern heur der tegenaan bemoeien en veural gien bemoeienis van e overheid. Noa t verhoal wenste hij de roadsleden veul succes met heur waark en gaf nog n goeie road met: mocht er een aanvroag kommen veur subsidie om de toal en cultuur te stimuleren: Niet zuneg weden!
‘Meertmoand Streektoalmoand’
