Op 7 en 8 november binnen der twee veurstellings van et theaterstuk ‘Sporen ien Vrijheid’. Op 7 november ien t Barontheater en op 8 november ien t Stuurhuus ien Doezum. Der worden verhoalen uut e oorlog, mor zeker ok van doarnoa soamenbrocht tot één aangriepend geheel. Verhoalen, muziek, spel en beeld moaken et theaterstuk compleet.
t Vertelcollectief “Kom op Verhoal”, een onderdeel van Mien Westerkwartier, gijt ien t kader van 80 jaar bevrijding de veurstelling “Sporen ien Vrijheid ” op e planken brengen.
Ien die verhoalen kommen gebeurtenissen uut e Tweede Wereldoorlog veurbij, söms net even ien n ander perspectief. Verhoalen van helden en anti-helden. Verhoalen van gewone minsen ien ongewone tieden. Verhoalen die speulen ien t Westerkwartier, verteld in t Westerkwartiers.
Mor ok de lijn noar vandoag wordt zichtboar moakt, de kwetsboarheid van de Vrijheid.
De verhoalen worden òfwisseld deur zang van Mary Lou Warbrook uut Twijzelerheide met heur Tributeto Vera Lynn. Zij brengt op n ontroerende wieze de liedern van Vera Lynn en andern ten gehore. We’ll meet again en Land of Hope and Glory zallen zeker niet ontbreken.
Koarten veur de veurstelling op 7 november (20.00 uur) kosten € 13.75 en binnen te reserveren bij t Baron Theater
Koarten veur de veurstelling op 8 november (20.00 uur) kosten € 10,- bie de kassa van t Stuurhuus.