Meertmoand Streektoalmoand

De moand meert is Streektoalmoand. Dat betekent dat er n heule moand extroa aandacht is veur de Streektoal. 
Met Moi, gaaist met, neudegt et Centrum Groninger Taal en Cultuur (CTGC) Grunnegers en niet-Grunnegers van Stad tot Ommelaand uut om op pad te goan en streektoalactviteiten te bezuken. 
De verhoalenvertellers van Kom op Verhoal (Henk Wierenga, Aafke Hoek, Harke Winter en Hennie van der Laan) binnen met zien vieren noar 7 scholen ien t Westerkwartier west.
Doar hemmen ze ien e toal van e streek verhoalen verteld over o.a.: De Baggelbeer en t Wichtje van de
Schelpengrot. De meeste jonge kiender zeggen votdoadelek: Dat kunnen we vast niet begrijpen. Mor dat valt slim met, as t verhoal uut is bliekt voak dat ze alles begrepen hemmen. De vertellers brengen d.m.v. verhoalen ok de historie van e streek of van t dörp onder de aandacht. Op n school ien Zeuvenhuzen die aan de Grote
Veenbrandtstraat stijt wisten ze et verschil niet tussen n törf en n roggebrood…. Mor gelukkeg wiet meester Harke doar wel road met, die kin ze hoarfijn uutleggen wat et verschil is en dan leren ze ok doalek hoe en met wat er vroeger stookt werd.