|
Wil je dit mailtje doorsturen naar belangstellenden?
|
|
|
|
|
|
|
Vannijs: December 2025
Beste Mien Westerkwartierders,
|
|
t Joar is veurbij vlogen mor net as de meeste joaren duurde 2025 ok weer 365 doagen. 365 doagen om te warken, te leren, te ontspannen of der veur n ander te wezen. Ien n wereld die verandert, wat niet zunder slag of steut gijt, kriegen we voak de neiging om ien ons eigen wereldje te krupen. Holvast hemmen aan de mensen om je hin en dan helpt et as je dezelfde toal spreken. Dat kin “handen en voeten toal” wezen of t Westerkwartiers woar wij ons nog voak ien redden.
|
Dat levendeg holden van ons Westerkwartiers is de belangriekste doelstelling van de stichting Mien Westerkwartier. Voak met verhoalen, gedichten en muziek. Dit joar stond veural ien et teken van 80 joar Vrijheid met as belangriekste momenten de veurstellings “Sporen ien Vrijheid” van de vertellers van Kom op verhoal ien t Barontheater ien Opende en t Stuurhuus ien Doezum. En et nije boekje Sporen Zuken dat momenteel vertelt en uutdeeld wordt ien zörglocoaties ien t Westerkwartier. Mor ik denk ok terug aan de joaròfsluting van kunstencentrum Kunstkwartier. Ien t Curringerveld was et tiendens een wandeling, met volop muziek om je hin dat je zo mor verrast worden kon met n verhoal over de baggelbeer. Ien dit soort soamenwarkings kin Mien Westerkwartier de kommende tied nog veul meer betekenen veur ons toal.
|
|
Veur nou loaten we 2025 achter ons met dizze letste Vannijs. We wensen jim mooie feestdoagen en tot ien 2026.
|
|
|
|
|
|
Sporen zuken ien e winkel
|
|
|
Op 7 november werd et verhoalenbundeltje 'Sporen Zuken' uutlaangd aan veurzitter Hielke Westra. Onnertussen binnen der al hiel wat over de toonbank goan, want et is een mooi presentje veur onner de kerstboom en om rusteg deur te bladderen tussen Kerst & NijJoar. Et boekje is bij ons te bestellen via de website www.mienwesterkwartier.nl, en veur € 15,00 kopen ien e boekhandels en de Primera-winkels ien e regio. Een deel …
|
|
|
|
|
|
Over bombardementen op de Goarkeuken november 1944
|
|
|
Inleideng
De Tweede Wereldoorlog is tachteg joar leden. t Aantal mensen dat oorlog metmoakt het, nemt òf. En d’oorlog liekt ien onze herinnereng aals mor vedder vot. Verhoalen over de oorlog helpen te beseffen dat we vrijheid koestern moeten, dat t goed is om weerboar te wezen. En ok hoe kwetsboar wij minsen wezen kennen. t Verhoal dat hier volgt, is optekend deur Willem Tjebbe Oostenbrink noar aanleideng van n vroaggesprek met Elze Zwoamoa uut Gruupskerk. De tekst is veurdroagen op 4 mei 2025 tiedens de dodenherdenkeng ien Gruupskerk.
|
|
|
|
|
|
Toaltied: Kaarstdoagen met n kerstboom Tonko Ufkes
|
|
|
Narreg nam K. ter Laan ien 1929 t woord ‘kerstboom’ op ien zien dikke woordenboek; t woord ‘kerstboom’ wordt ok niet echt verkloard mor der stijt gewoon achter: “uit het Hollands. Zo heeft ook Kerstdoagn in sommige kringen ’t woord Midwinter verdrongen.” Hij vertoalt wel t woord ‘Kaarsdag’, dat is volgens Ter Laan: ‘Midwintersdag’ (Tegenwoordeg spellen we t as Kaarstdagmet …
|
|
|
|
|
|
|
Twee jonge minsen wadden op pad
|
|
om zich ienschrieven te loaten.
|
|
Op reis hadden ze veul te beproaten,
|
want t jonge stel verwachtte wat.
|
|
Bie aankomst vroagd noar onderdak,
|
|
om moede lieven wat rust te geven,
|
|
ook goed veur t kommende nije leven,
|
alles was volboekt, naargens was plak.
|
|
Ien n stal boarde de jonge vrauw
|
|
een jonkje, wat heur slim verblijdde,
|
|
die ze ien doeken ien n voerbak vlijde.
|
Dit nijs verspreidde zich heul gauw.
|
|
Hedders ien t veld hadden der van heurd
|
|
van engels die de weg heur wezen,
|
|
hemmen t kiend opzocht en eer bewezen,
|
zo was t veurspeld, zo is t gebeurd.
|
|
Twee jonge minsen wadden op pad,
|
hemmen drie ienschrieven loaten.
|
|
Op reis hemmen wij veul te beproaten,
|
want, tjonge, wij verwachten wat.
|
|
|
|
|
|
|
Foto: Omke Oudeman
|
Vannijs is de nijsbrief van Stichting Mien Westerkwartier
|
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
|
|
|
|
Der is vanzelf veul meer te lezen en te kieken over de streektoal van Grunnen en ver doarbuten.
Nim es n kiekje op één van dizze websites:
|
|
|
|
|
|
|
 
|
|
|
|
|
