|
Wil je dit mailtje doorsturen naar belangstellenden?
|
|
|
|
|
|
|
Vannijs: Oktober 2025
Beste Mien Westerkwartierders,
|
|
Normoal gesproken is t 'Meertmoand streektoalmoand' mor ien t Westerkwartier liekt et dizze keer wel 'November streektoalmoand". Ik goa eerst nog even terug noar òflopen periode. Onze puutholder, en doarmet de ok rest van t bestuur, werd bliede toen ze onze bankrekening bekeken. Noast de opbrengst van de Rabo Club Support het Mien Westerkwartier òflopen periode n mooi bedrag ontvangen van Stichting Breedband Westerkwartier. Dizze stichting het zichzelf helaas opheffen moeten omdat heur doelstelling niet bereikt worden kon. t Resterende bedrag is doarom overmoakt noar organisoaties met n vergeliekboare doelstelling. Slim bedankt dat jim aan ons docht hemmen. Wij goan er wat goeds met doen!
|
|
Dan terug noar 'November streektoalmoand'. Mien Westerkwartier en de vertellers loaten zich de kommende moand overal en nargens zien. Op 7 en 8 november brengt "Kom op verhoal" de veurstelling "Sporen ien Vrijheid" ien t Barontheater en t Stuurhuus ien Doezum. En op 7 november wordt ons derde boekje met columns uut de serie 'Ik proat plat' presenteerd. De titel van et boekje is 'Sporen Zuken' en t eerste exemploar wordt overhandigd aan cultuur wetholder Bé Schollema. Ien e weken en moanden doarnoa binnen onze vertellers op verschillende zörglocoaties om de verhoalen uut dit boekje te vertellen.
|
Veur nou veul leesplezier met dizze Vannijs en we hopen jim te zien ien Opende of Doezum.
|
|
|
|
|
|
|
|
Leden van de Rabobank hemmen Stichting Mien Westerkwartier ook ien 2025 weer veul stemmen geven ien de Rabo ClubSupport-actie. Net as veureg joar kregen we een mooi bedrag, dat we ienzetten veur onze activiteiten. Bedankt veur dien stem. Hartstikke bedankt!
|
|
|
|
|
|
|
|
Begun november 2025 verschient et derde boekje uut de serie 'Ik Proat Plat'. Et boekje met de titel 'Sporen Zuken' kost, bij reservering via onze site, € 12,50. Reserveren kin deur €12,50 over te moaken noar rekeningnummer NL18RABO0132042339 t.n.v. Stichting Mien Westerkwartier o.v.v ' Sporen Zuken' en je noam en adres. Let op, dit is de òfhoalpries! Bij verzending wordt et € …
|
|
|
|
|
|
Sporen ien Vrijheid, hoe actueel
|
|
|
Vertelcollectief ‘Kom op Verhoal’ waarkt aan n nije versie van de vertelveurstelling ‘Sporen ien Vrijheid’, die ien november opvoerd wordt ien Opende en Doezum. De veurstelling sluut aan op e viering van ’80 jaar bevrijding’ en is zeker van dizze tied, want de 'Vrijheid' stijt onder druk. Een nij verhoal, dit keer met meziek van Mary Lou Warbrook. In 2020 …
|
|
|
|
|
|
Toaltied: Van zummertied noar wintertied
|
|
|
Op 26 oktober gijt de klok van zummertied noar wintertied en wij zitten nou ien t noajoar of ien de haarst. t Bennen drie hiel biezundere woorden: ‘zummer’, ‘haarst’ en ‘winter’ en dat vernemmen we eerst goed as we op reisgoan.Wel deur Europa op reis gijt van t noordoosten noar t westen komt onderweegs host t zulfde woord veur ‘zummer’ …
|
|
|
|
|
|
Spoor - Willem Tjebbe Oostenbrink
|
Zo voak loop ik dizze olle weg òf,
die der sinds tiedstieden leit.
Doarnoast lopt de tocht al krekt zo lang.
Gien herinnereng die aans vertelt.
n Koppel ganzen op e trek vlugt hoog over.
Kraaien fladdern wat boven d’akkers as
stippen van troag rollende dobbelstienen
boven toavel, krekt gliek het aantal ogen.
Mien voeten vienden verzonken stienen,
volgen boskes langs t iensleten pad van
mien bestemmeng, en herinnerengen
hecht an t uutsleten spoor van mien löt.
Gedachten moaken heur lös uut t holt
as duven op zoek noar nijlaand.
|
© Willem Tjebbe Oostenbrink
t Gedicht Spoor is òfkomsteg uut de bundel Uutkomst (Drentse Boek Beilen, 2024)
|
|
|
|
|
|
|
Foto: Omke Oudeman
|
Vannijs is de nijsbrief van Stichting Mien Westerkwartier
|
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
|
|
|
|
Der is vanzelf veul meer te lezen en te kieken over de streektoal van Grunnen en ver doarbuten.
Nim es n kiekje op één van dizze websites:
|
|
|
|
|
|
|
 
|
|
|
|
|
