|
|
Vannijs : Oktober 2022 Nr 05
t Is al weer n skofke leden dat de Vannijs ien e digitoale bus viel. De zummervekaansie zat er tussen mor ondertied ging alles deur. n Nij boekje met de titel 'Op Struun' stijt der aan te kommen. De vertellers van Kom op Verhoal binnen aan e slag west met IJje op locoatie en binnenkört is de veurstelling weer te zien ien et Baron theater ien Opende. We binnen nou de haarst ien schoevelt en vanolds is dat de tied om mekoar op te zuken. Nou t kolder wordt kroepen we weer wat dichter bij mekoar, mooi om dan verhoalen te delen. n Andere reden van de troage verschiening van de Vannijs is dat we regelmoateg ons webstee uut order hemmen. Hackers wieten www.mienwesterkwartier.nl goed te vienden en zetten alles op e kop. t Liekt er nou op dat we de kop weer deur t digitoale helster hemmen en nou mor doemen dat t zo blift. Mocht de webstee weer uut e lucht weden, wiet dan dat we haard aan t oproemen binnen.
|
Jan Hut (Veurzitter)
|
|
|
|
IJje weer ien et Barontheater
|
|
|
Ien 2016 stond de veurstelling van vertelcollectief Kom Op Verhoal meerdere keren ien et Barontheater. Aan t enne van 2022 kommen er nog twee kansen om de veurstelling te zien. De veurstelling is aans as die van 2016. Der binnen andere speulers en de muzikoale ienvulling is ook aanpast. Mor de oavend wordt minstens zo mooi. De veurstellings binnen op …
|
|
|
|
|
22 oktober 2022, boekprizzentatie: Op Struun
|
|
|
Zoaterdag 22 oktober om 11.00 uur wordt tiedens de 'Boek-Druk_Beurs' ien de MuseumDrukkerij ien Grootegast et tweede boekje uut de serie 'Ik Proat Plat' prizzenteerd. Ien t boekje met de titel 'Op Struun' stoan 53 verhoaltjes, die eerder verschenen ien de wekelekse rubriek ien e Streekkrant. De mieste verhoalen vertellen over n biezunder plak ien t Westerkwartier. Noa lezing van …
|
|
|
|
|
Are Meijer wint alweer de Freudenthal-Pries
|
|
|
Old-Gruupskerker het veur de tweede keer de Freudenthal-pries wonnen, de oldste en belangriekste literaire pries ien t Nedersaksische toalgebied. De Nedersaksiche toalen omvatten alle streektoalen over n groot deel van Nederland en Duutsland. Het toalgebied lopt zo n beetje van de Friese Stellingwaarven tot ien Polen, en van de Achterhoek tot aan de grens van Duutsland met Denemarken. Meijer, die …
|
|
|
|
|
Toaltied - t Sluuske van Bert Weggemans - Tonko Ufkes
|
|
|
Op zotterdagmiddag 1 oktober wer ien Nuus de eerste Westerketierder dichtbundel van Bert Weggemans prizzenteerd. De titel van die dichtbundel is ‘Sluuske aan t Olle Diep’ en ien dizze Toaltied gijt t doarom om t mooiste woord uut de titel: Sluuske. t Woord ‘sluus’ is hiel gewoon Grunnegs en juust doarom biezunder. Ien één van de eerste opstellen over ons …
|
|
|
|
|
Veertje - Lucie Pakes (2022)
|
|
|
Vanmörgen ien de tuun, von ik, op t van dauw beperelde gras, een veerke, een schietveerke klein, iel, net n haalve vinger lang.
|
Van een putterke schat ik zo. Duuzend van zukse veerkes hollen zo’n vogeltje iene lucht! Dat ze slieten is begriepelek zo drok as ze binnen met voer zoeken nustje bouwen podjes groot brengen, körtom , die veerkes droagen dag aan dag! En naachts, ast putterke rust hollen ze et liefke waarm!
|
|
|
|
|
1 oktober 2022, boekprizzentatie: Sluuske aan t olle diep.
|
|
|
Op 1 oktober is de bundel 'Sluuske aan t olle diep' van dichter Bert Weggemans prizzenteerd ien e Coendersbörg ien Nuus. Ruum 70 bezoekers kwammen op dizze middag of en genoten van n ofwisselend programma met muziek en gedichten. Alie de Vries proatte de boel aan mekoar. Piet Buist en Geert Zijlstra trappende of met verskes ien t Westerketiers, woarnoa …
|
|
|
|
|
Verder kieken ....
|
Der is vanzelf veul meer te lezen en te kieken over de streektoal van Grunnen en ver doarbuten. Nim es n kiekje op één van dizze websites:
|
|
|
|
|
|
Foto: Omke Oudeman
|
Vannijs is de nijsbrief van Stichting Mien Westerkwartier
|
Alie de Vries Geert Zijlstra
|
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee. Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
|
|
|
|
|
|