|
|
|
Vannijs: Oktober 2023 Nr 5
Verandering op komst, doarom tied veur een Vannijs. Ok veur mij persoonlek is et tied veur wat nijs!
|
Noa 16 joar heb ik besloten om wat minder prominent ien beeld te weden bij Mien Westerkwartier. Ooit heb ik, met n jonge Niels Meijer (nou fotograaf Knelis ien Stad) de aanzet geven veur wat we nou allemoal kennen as Mien Westerkwartier. Ik blief wel betrokken bij Vannijs en Kom op Verhoal en et moaken van e podcast 'Ik Proat Plat, dust met?'
|
Doarnoast treedt Jan Hut terug as veurzitter van mien Westerkwartier om hum veural met de webstee en et ienspreken van teksten bezig te holden. Gelukkeg hemmen we n olle bekende vonden die zien plak iennimmen wil. Onze old-columnist en cultuurwetholder Hielke Westra wordt de nije veurzitter. Ien Vannijs stoan de briefkes die ze aan mekoar schreven hemmen. Noames et bestuur bedank ik Jan veur zien ienzet en wens ik Hielke een mooie tied bij Mien Westerkwartier .
|
Verder pressenteren we de 'Westerkwartierder Verjoardagskalender' die Mien Westerkwartier soamen met Museumdrukkerij Grootegast moakt het. Leuk presentje voor Sint en Kerst!
|
Veul plezier met dizze Vannijs en we holden contact.
|
Geert Zijlstra (bestuurslid)
|
|
|
|
Bestuurswissel: Briefke aan Jan
|
|
|
Moi Jan, Biezunder om dij nou een briefke te sturen. Een dik joar leden schreef ik nog regelmoateg ien Vannijs as wetholder cultuur en nou mag ik e veurzittershoamer van dij overnimmen. Dat doe ik met plezier. Ik heb ien die periode ervoaren, hoe belangriek onze streektoal is ien t contact met mekoar. As je dezelfde toal spreken dan begriep je mekoar ok beter en sneller. Binnen Mien Westerkartier komt toal …
|
|
|
|
|
Bestuurswisseling: Briefke aan Hielke
|
|
|
Moi Hielke, Dank veur dien briefke. Mooi om ons soamen veur MienWesterkwartier ien te zetten. Veur de toal mor ok veur wie we binnen, ien alle verscheidenheid, Doar lijt nog wel een uutdoaging want van Zeuvenhuzen noar Lauwerziel kinnen ze Mien Westerkwartier nog niet overal. Ik ben slim bliede das-toe et stokje overnimst,want ik bin niet goed ien cultuur en ok bestuurlek hest meer ien te bringen dan …
|
|
|
|
|
Westerkwartierder Verjoarskalender
|
|
|
Op 30 oktober wordt t eerste exemploar van e 'Westerkwartierder Vejoarskalender' priossenteerd ien e 'Nieuwe Wierde' in Gruupskerk. De kalender met gedichten van Reinder Willem Hiemstra en ofdrukken van mooie olde cliché's is hielmoal met e hand zet en drukt ien e Museumdrukkerij Grootegast. Natuurlek is de kalender ok te koop op het Museumplein in Groodegast en door een mail …
|
|
|
|
|
Rabo Club Support-Bedankt!
|
|
|
Leden van de Rabobank hemmen Stichting Mien Westerkwartier ook ien 2023 weer veul stemmen geven ien de Rabo ClubSupport-actie. Net as veureg joar kregen we een mooi bedrag, dat we ienzetten om de streektoal te promoten. Bedankt veur dien stem.
|
|
|
|
|
Toaltied: Nijziel en omstreken
|
|
|
Op 8 september 2023 kwam de nije ploat ‘Oaventuren’ van zangeres Marlene Bakker uut en dat is groot nijs veur t Westerketier: Marlene is ien 1984 geboren ien Nijziel en ze het doar ok joaren woond. Nijziel is n dörp met n biezundere noam; ien t Hollands is t Niezijl en ien t Grunnegs is t Nijziel – de beide …
|
|
|
|
|
Een feest ien t noorden van t laand mor doar niet allinneg ok ien Utrecht, de provincie Noord-Holland, Noord Brabant en Limburg. Zelfs ien Ostfriesland, delen van Vlaanderen en ien Noord Frankriek. Aan wel he-we dit feest te danken en over wel he-we t as we t over Sint Martinus hemmen. Rond 316 werd ien Savaria, t huidege Hongarije, Maarten …
|
|
|
|
|
Zunner titel - Are Meijer
|
|
ik brocht dij vot en moek mezelf wies dat ik wis woarhen
|
wat lijt-er achter hobbels ien e weg, veurbij de verre bossen?
|
s mörregens goan we op vier bienen, s oavmts op drie
|
ien t lest worden ons de poten onner t lief uut schopt
|
en ok die aaltied neus ien e wiend harren
|
leggen dan met e neus omhoog
|
ik brocht dij vot, we keken deur matgloazen deuren
|
woarachter voale jassen daansden
|
die as de snert van dien moeke over onze schoenen glee
|
eenmoal buten kroop n adder veur ons uut
|
en wees ons t pad noar n deur ien e grond
|
Met dit Nedersaksisch gedicht won Are Meijer de pries op et Poëziefestival Gelselaar
|
|
|
|
|
Verder kieken ....
Der is vanzelf veul meer te lezen en te kieken over de streektoal van Grunnen en ver doarbuten. Nim es n kiekje op één van dizze websites:
|
|
|
|
|
|
Foto: Omke Oudeman
|
Vannijs is de nijsbrief van Stichting Mien Westerkwartier
|
Alie de Vries Geert Zijlstra
|
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee. Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
|
|
|
|
|
|