|
|
|
|
Vannijs : Meert 2023 Nr 02
Je heuren aal minder minsen plat proaten. Ze hemmen der wel belang bij mor aargens duren ze t niet proberen. Dat is schaande want dat is juust wat Mien Westerkwartier groag gebeuren zigt. Wat minsen tegenholdt is lasteg te begriepen. Ik heurde een kennes plat proaten tegen zien pabbe mor tegen mij dut er et niet. Ok niet toen ik et vroeg, hij zee wel n poar woordjes mor even loater ging t weer ien t Nederlands. n Schoft leden was de kreet van Mien Westerkwartier "Ik proat plat doe ok?" doar hemmen we nou van moakt: "Ik proat plat dust met?". Dat is net even wat aans, meer uutneudegend. En is t mooi metnommen as één et dan probeert. t Helpt vanzulf niet as n aander geliek lopt te verbetern. Dat overkwam mij ok es. Eén verbeterde mij toen ik t over n schoefdeur had, nee Jan, t is schuufdeur. Nou heb ik mien heule leven ien t Westerkwartier woond en thuus was t altied: "doe de schoefdeur even dicht, openkont". Bij Mien Westerkwartier vienden we t belangriek dat minsen et proberen en fouten moaken mag. En wat is dan fout as we ien ons Westerkwartier de woorden aans zeggen mor wel t zelfde vulen.
|
Veul plezier met dizze Vannijs
|
Jan Hut (Veurzitter)
|
|
|
|
|
Podcast 'Ik proat plat, dust met?
|
|
|
De proefpodcast rondom de verkiezing van Zeuvenhuzen as 't Leukste Dorp van Groningen' het n vervolg kregen. Ien dörpshuus De Kompas is een tweede oflevering opnommen over de organisoatie van e Abel Tasman Struuntocht. Soamen met de minsen van e 'Stichting Ommelander Media Collectief' en bestuursleden van de Struuntocht proatten Eelke Solle en Geert Zijlstra een dik uur over de …
|
|
|
|
|
|
Leste keer IJje ien Zoltkamp
|
|
|
Op 11 meert voeren de vertellers van Kom op Verhoal veur de allerleste keer 'IJje aans verteld' op. Noa mooie optredens tussen de muren van 'Blokhuuspoort' en het 'Museum aan de A', is de kerk van Zoltkamp dizze keer et decor. Om dizze veurstelling bij te kinnen wonen - de verkoop lopt al - kin je koarten bestelling via dizze …
|
|
|
|
|
|
Toaltied - Tusken t Hollands en t Westerketiers - Tonko Ufkes
|
|
|
Laang, hiel laang leden, ien t veujoar van 1552 schreef Wijgbolt Biwema uut t Foan twee brieven an zien bruur. De jonge Wijgbolt studeerde toen ien Leuven, vlakbij Brussel en hij schreef de brieven an zien bruur niet ien t Letien mor ien de ‘volkstoal’. Veul loater, ien 1844, bennen die brieven òfdrukt ien de Groningsche Volksamanak. Om n veurbeeld …
|
|
|
|
|
|
|
|
Ien et boek Trilbil en Duivelsdrek stoan 17 olle Grunneger sprookjes van Trijntje Soldaats. Ien 1801 verloren de broerkes Gerrit en Kornelis Arends heur moeke. Naaister Trijntje Wijbrands, alias Trijntje Soldaats, vertelde de kiender tussen et waark deur de olle sprookjes. Gerrit, 11 jaar old, schreef ze op ien wat er nuumde “Vertelsel Boektje”. De verhoalen binnen op kienderleke wieze opschreven, mor toegeliekertied oardeg …
|
|
|
|
|
|
Meert - Alie de Vries
|
|
n Kolle westerwiend bloast
|
|
over t sompeg laand, woarop veurzichteg
|
t eerste veurjoarsgroen de kop opstekt.
|
|
Schoapen ien n koppeltje bij mekoar
|
|
hier en doar bestreept met rood of blauw.
|
t eerste witte lamke i-der al.
|
|
Dansende zwoanen, ien e slootswal
|
|
nusselt al n eendenpoar. Pony’s droaven,
|
|
Tussen de wolken deur let de
|
|
bleke zun heur eerste stroalen zien.
|
|
|
|
|
|
Verder kieken ....
|
Der is vanzelf veul meer te lezen en te kieken over de streektoal van Grunnen en ver doarbuten.
Nim es n kiekje op één van dizze websites:
|
|
|
|
|
|
|
Foto: Omke Oudeman
|
Vannijs is de nijsbrief van Stichting Mien Westerkwartier
|
Alie de Vries
Geert Zijlstra
|
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
|
|
|
|
|
|
|
|
