vannijs kop

Vannijs : Meimoand 2022 Nr 03

Ien dizze Vannijs n stukje over de podcast. Weerom kieken noar de tied van 'Het leukste dorp van Groningen'. t Was n prachtege belevenis en veur mij werd zunnekloar dat et Westerkwartier aans is dan aandere gebieden van Grunnen. Veul minsen ien Tolbert, Auwerd en Nijkerk en natuurlek Zeuvenhuzen hemmen biezundere herinnerings aan die tied. t Mooiste was dat dizze vier dörpen de hoogste score van de hiele provincie hadden. Vier moand lang streden 180 dörpen om de titel en de top 4 kwam uut t Westerkwartier! Ons Westerkwartier! Dat viel ze zulfs op bij RTV Noord.

t Het mien leven oardeg op e kop zet. Ik heb t verhoal voak vertelt ien aandere dörpen, op scholen, bij gemeenten zulfs bij de politie. Ze wollen groag wieten; hoe krieg je minsen ien beweging zunder dat er één echt de leiding het. Veur ons ien Zeuvenhuzen was t biezunder en as je wieten willen hoe et ging, luuster dan noar de podcast.

Jan Hut (Veurzitter)

'IJje aans verteld' op herhoaling ien Doezum en Opende

Ien 2016 voerde Kom op Verhoal met sucecs de vertelveurstelling 'IJje aans verteld' op en we hemmen besloten om e veurstelling ien 2022 weer te speulen. Ien 'IJje aans verteld' wordt vanuut 7 personages keken noar de persoon IJje Wijkstra en de sociale en economische toestand, woarien hij leefde ien e joaren twinteg van e veurege eeuw. De mins achter …

Meer lezen
'IJje aans verteld' op herhoaling

Nedersaksische schriefwedstried.

Het ‘Huus van de Taol’ ien Drenthe het dit joar n schriefwedstried uutschreven veur t hiele Nedersaksische toalgebied met as thema ‘De gele toavel’. De schrievers mochten zulf wieten of ze n toavel de hoofdrol gaven, figureren lieten of wat er tussenien. Dat et thema tot de verbeelding sprak was dudelek; der binnen zo’n zesteg verhoalen ienstuurd en de ienzendings …

Meer lezen
Nedersaksische schriefwedstried.

Mien Westerkwartier-podcast is start ien Zeuvenhuzen.

Op onze webstee schrieven we over t Westerkwartiers, mor t is vanzulf nog veul mooier om de toal te heuren. Verhoalen, verskes, gedichten der stijt al vanalles onder et kopje 'Luustern''. We voegen doar nou wat nijs aan toe. We holden gesprekken ien één van e dörpen van t Westerkwartier over n gebeurtenis die ien t verleden ien t dörp …

Meer lezen
Mien Westerkwartier-podcast is start ien Zeuvenhuzen.

Toaltied - Keunenk, keuneg, keunek en hunneg  

Verleden week woensdag is veur t eerst ien twee joar weer groot vierd dat t Keunengsdag waas. Zo’n Hollands woord ‘koning’ is veur ons lastege en dat komt veural van die ‘ing-klaank’ die ien woorden zit zo as koning en honing: Want wij Westerketierders hemmen die ‘ing-klaank’ ien dit geval eileks niet. Kieken we ien t buuswoordenboekje van Reker uut …

Meer lezen
Toaltied - Keunenk, keuneg, keunek en hunneg  

Gedicht - Ien e tang - Reiner W. Hiemstra


Oekreïn – òh Oekreïn
Wel holdt dij met heren
en veren, hoe driester,
hoe zwoarder, tussen puun
en stien nog op e bien.

Oekreïn – oe Oekreïn
n Hiele klus
hoestoe die Rus
dien dikke bruier-
broer zo vol vernien
met zoveul pien,
kris weerwark gefst
dij niet òfblaffen letst.

Hoe nou zellen wij dij helpen,
hoe wij dij steunen doen!

Ja ien e tang, want…
woarzo mengen wij ons ien.
Femielje wrok en vete’s
loaten we toch liever betien.
Òh Oekreïn
Ien e tang, want woar lijt hier de grens.
Tot nood brekt wet meschien
en slepen de rest stiekem n nog veul
grodere ellende ien.

De kernvroag luudt
hoe komt de wereld
hier weer uut?

R.W.Hiemstra
maart 2022
Zelf n mooi gedicht schreven, stuur dan op noar info@mienwesterkwartier.nl

Lees hier meer

Van de wetholder: Moi

Moi wordt toch Moi! met n uutroepteken dizze keer. Ien e veurege Vannijs was t allemoal nog wat ondudelek en mosten de verkiezings nog kommen, mor ienmiddels liekt et wel dudelek. Mien partij, t CDA, dut niet met ien n nije coalitie en veur mij holdt dat ien dat ik waarschienlek niet terug kom as wetholder. En dat spiet me …

Meer lezen
Van de wetholder: Moi!

Verder kieken ....

Der is vanzelf veul meer te lezen en te bekieken m.b.t. tot de streektoal van Grunnen en ver doarbuten.

Nim es n kiekje op één van dizze websites:

Dorp Doezum

Agendatips In het Westerkwartier

Actualiteiten Grunneger Toal en Cultuur
koeien_vannijs

Foto: Omke Oudeman

Colofon:
Vannijs is de nijsbrief van Stichting Mien Westerkwartier

Redactie:
Jan Hut
Alie de Vries
Geert Zijlstra


Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
Mientje_PP_2021_7
facebook twitter 
Email Marketing Powered by MailPoet