vannijs kop

Vannijs : Juli 2022 Nr 04

Midzummer, is weer west. Rond de langste dag is t altied drok. Elke organisoatsie het dan wel n feestje of der stoan dingen vast op t programma. Van trekkertrek, TT of Op Roakeldais. t Leste gijt over internationoale daansgezelschappen. Van Oafrikoa tot India. Mooi om te zien hoe de dörpsjeugd van Warffum heur mengt met al die kleurrieke andere groepen. Dat geft hoop veur de toekomst. Elk zien of heur eigen gebruken en gewoontes en der tröts op wezen. Juust genieten van dat wat aans is.

t Klinkt roar mor dat verschil is er ok tussen t Westerkwartier en de rest van Grunningen. Niet slim dudelijk mor t is er wel. De toal is wat aanders, de ofstand tussen de minsen is ien t Westerkwartier net even wat kleiner. Echt hereboeren hadden we hier niet of minder. Ien andere gebieden hemmen ze net wat minder woorden neudeg. Lidwoorden worden doar host niet bruukt. Mor Grunningers binnen we, gien halve Friezen of halve Drenten. Doar is t verschil te groot veur.

Jan Hut (Veurzitter)

'IJje aans verteld' was op herhoaling

Ien 2016 voerde Kom op Verhoal met succes de vertel-veurstelling 'IJje aans verteld' op en vanwege de constante vroag vanuut et publiek, hemmen we besloten om e veurstelling ien 2022 weer te speulen. Op 22 mei speulende we ien e 'Speulkoel' ien Anloo en n week loater traden we op ien Toornwerd op n wonderschone boerderij-locoatie. We hemmen de reeks, …

Meer lezen
'IJje aans verteld' was op herhoaling

Podcast LageLieder - IJje Wijkstra

Ien de podcasts Lagelieder, een podcast over hoe volksliedjes deurzingen blieven, komt et verhoal van IJje Wijkstra in twee delen aan bod. De moakers van Lagelieder Michiel van de Weerthof en Lot Broos kwammen dit veurjoar meerdere moalen noar et Westerkwartier om de zoak op te nemmen. Ze kregen doarbij de hulp van de stemmen van de vertellers van Kom …

Meer lezen
Podcast LageLieder - IJje Wijkstra

Reinder W. Hiemstra - Mond vol spiekertjes

Noa lang wachten vanwege papierschoarste is dizze moand de nije bundel ’n Mond vol spiekertjes’ van Reinder Willem Hiemstra verschenen. Et boek is t Begunstegersbouk van Stichting t Grunneger Bouk en niet ien e boekwinkel te koop. Een woar collectors-item, die niet allinneg doarom de muite weerd is. t Was n flinke poos stil rondom de Westerkwartierder schrieverij van Reinder …

Meer lezen
Reinder W. Hiemstra - Mond vol spiekertjes

Toaltied - n Schofke zummerverkaansie

Noa vandoag het de schriever van Toaltied n schofke vekaansie en toegelieks het de schriever zo twee mooie Grunneger woorden te pakken. Bij ons Friese buren numen ze dat gewoon: ‘simmerskoft’, mor ien t Grunnegs bestijt niet zukswat as ‘zummerschoft’. Ien t buuswoordenboekje van Reker uut 1988 stijt t woord ‘schòft’, met accent, en t betekent: periode. Ien t olde …

Meer lezen
Toaltied - n Schofke zummerverkaansie

Gedicht - n Kunstwaark - Egge Wieringa

Hiel optied het de zun de lucht ien kleuren zet
met rood –oranje, geel en violet.

Aal t anere wordt temperd deur de mörgendaauw,
die de graauwe lienen wat ofzwakken wil.
En doar hielemoal boven is t sloaperege blaauw.

Zo is alles hiel eerbiedeg stil
veur de nije dag met t mooiste begun;
n kunstwaark van de zun.



Egge Wieringa (1933-2020)




Uut de bundel ' Liesterkralen'

Honderd Grunneger gedichten 1990

Stichting 't Grunnerger Bouk
n Kunstwaark - Egge Wieringa

Ofscheid van de wetholder

Een tied van kommen en een tied van goan. Omdat zien partij het CDA gien deel uutmoakt van e nij coalitie ien et Westerkwartier het Hielke Westra op 23 juni ofscheid nommen as wetholder. Ien zien termien as wetholder was er een mooi aanspreekpunt veur Mien Westerkwartier. Hij betrok ons bij overleggen en activiteiten woar et Westerkwartiers in beeld kwam …

Meer lezen
Ofscheid van de wetholder

Verder kieken ....

Der is vanzelf veul meer te lezen en te kieken over de streektoal van Grunnen en ver doarbuten.

Nim es n kiekje op één van dizze websites:

Droomtocht Visvliet

Agendatips In het Westerkwartier

Grunneger Bouk
koeien_vannijs

Foto: Omke Oudeman

Colofon:
Vannijs is de nijsbrief van Stichting Mien Westerkwartier

Redactie:
Jan Hut
Alie de Vries
Geert Zijlstra


Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
Mientje_PP_2022_04
facebook twitter 
Email Marketing Powered by MailPoet