vannijs kop

Vannijs : Juni 2021 Nr 6

Solstitium

We hemmen de langste dag (solstitium) weer had. Hoger komt de zun niet en vanof nou worden de doagen weer körter. Dat klinkt roar want de zummer moet nog kommen. De zun stijt even stil op t hoogste punt. Nog niet zo laang leden was er ien veul dörpen een feestje rond de langste dag. Veul langer leden werd de langste dag ok al vierd want bij Stonehenge ien Engeland komt smörgens de sun op achter de Heelstone. Ieder joar kommen doar minsen vanuut e hiele wereld om dat met te moaken. Nou stijt er ien Lutjegast ok n stoapel stenen, meschien kinnen we doar volgend joar om 7 minuten over vief, (smörgens) ok zo n oploop verwachten.

Veul leesplezier met dizze Vannijs

Jan Hut (Veurzitter)

Aanmelden veur Vertelfestival Kornhorn op 2 juli 2021

Op vrijdagoavend 2 juli 2021 hopen we de droad van et vertellen weer op te pakken. Die oavend kommen we met 5-6 vertellers noar t Curringheveld ien Kornhörn en organiseren doar soamen met C&Hek een mooi vertelfestival. Opgave: info@komopverhoal.nl Het publiek lopt ien kleine groepkes, volledeg Corona-proof, van verteller noar verteller en ontdekken de natuur van et Curringheveld. Aanvang is …

Meer lezen
Aanmelden veur Vertelfestival Kornhorn op 2 juli 2021

Boekprizzentatie: 'Mien dörp' op 9 juli 2021 ien Nuus.

Op vrijdag 9 juli 2021 wordt 'Mien dörp' een nije uutgoave van Stichting Mien Westerkwartier prizzenteert. Ien t boekje stoan 52 verhoalen die eerder ien e rubriek ‘Ik proat plat’ van De Streekkrant stoan hemmen. Wetenswoardegheden, legendes en ‘staarke verhoalen’ van e schrievers Leneke Struiksma, Piet de Vries, Henk Wierenga en Geert Zijlstra wisseln mekoar of. De verhoalen bennen aanvuld …

Meer lezen
Boekprizzentatie: 'Mien dörp' op 9 juli 2021 ien Nuus.

Toaltied - Van t veujoar noar t zummer

Op moandag 21 juni gingen we van t veujoar noar t zummer. Ien t dikke woordenboek van Ter Laan uut 1929 stijt duudlek ‘veujoar’, dus zunder de letter ‘r’ en hiel beslist zet Ter Laan tussen hoakjes: ’t Woord lente bestaat niet.’ Ien t zulfde woordenboek stijt ok ’t zummer = de zomer.’ Dat liekt krummelwaark: t zummer of het …

Meer lezen

Gedicht - Moan - Lucie Pakes

moan2

n Parelmoeren zwoan,
vleugel open en vleugel dicht,
vlucht laangs de hemelboan
ien t zulvergloeiend licht
van de wassende moan.
Vloeiboar kwik
heur spiegelbeeld,
ien wotter zwaart as git,
ondanks heur kroaters,
toch zo stroalend wit.
Zwoanevleugels,
giergeluud,
ik zie heur goan!
Verstilde schoonheid
lang Luna’s boan.
Zij komt op,
gijt del
omfluusd
of fel.
Ik oadem diep
en oadem zaacht
ritme van e naacht

Zelf een mooi gedicht schreven, stuur em dan noar info@mienwesterkwartier.nl

Lees hier meer

Verder kieken ....

Der is vanzelf veul meer te lezen en te kieken over de streektoal van Grunnen en ver doarbuten.

Nem es een kiekje op één van dizze websites:

VanPlan Cultuuragenda

Zakwoordenboek en Spellingsregels

Historisch Leek
koeien_vannijs

Foto: Omke Oudeman

Colofon:
Vannijs is de nijsbrief van Stichting Mien Westerkwartier

Redactie:
Willy Bultje
Alie de Vries
Geert Zijlstra


Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
Mientje6
facebook twitter