vannijs kop

Vannijs : Jannewoarie 2021 Nr 1

Nij-joar, veul heil en zegen!

Zat van e euliebollen en de nij-joarsrolletjes. De karstboom i-der weer uut en t gewone leven kin weer begunnen. Nou ja gewone leven? Nog steeds gien optredens en gien verhoalen. We hadden et plan om n Oldjoarsrevue te holden, mor dat kon op t leste zet niet deurgoan. Wanneer wel? Wel t wiet mag t zeggen. Zodroa dudelek is wat en hoe we het doen goan, zoeken we de de media op.

We goan rusteg deur met schrieven en vertellen van verhoalen op e radio. t Karstverhoal van Eelke Solle was doar n mooi veurbeeld van en werd veul bekeken. Wie wiet kriegen we nog meer van dizze verhoalen. Corona geft alle aanleiding om doar es een videoverhoal over te moaken. Wel duurt? Stuur em op en wij zetten et op de site.

Kop der veur en blief gezond..


Jan Hut (Veurzitter)

'Ik Proat Plat' zuukt olde foto's uut et Westerkwartier

Al vief joar schrieven Henk Wierenga, Piet de Vries en Geert Zijlstra wekeleks een column ien 'De Streekkrant' onder e titel 'Ik Proat Plat', stukjes ien et Westerkwartiers. Et gijt host altied over et Westerkwartier, met zien toal, geschiedenis en natuur. Regelmoateg komt de vroag of dizze verhoaltjes ok ien n boekje stoan? Nee dus, mor doar binnen we drok met …

Meer lezen
siebesnor

Van de Wetholder

Het is 12 jannewoarie en onze minister president het net zeid dat we nog drie week langer thuus aan t wark bennen en thuus blieven moeten. Winkels bennen dicht en onze kiender kennen niet noar school. We hemmen ter mor met te doen. En wat hopen we dat we snel weer es noar t Baron theater kennen of noar de …

Meer lezen
Van de wetholder

Ziede nacht - Alie de Vries

luna
De nacht vaalt
as n donker
zieden kleed
over n sloaperege dag

n Enkele steern
licht op
deur de kieren
van t lösse weefsel.

De zwakke moan
zöcht noar weeffouten
veur zien woazeg licht.

As donkerte dan vot glidt
vechten moan en zun
om t graauwe laand.
Zelf een mooi gedicht schreven, stuur em dan noar info@mienwesterkwartier.nl

Lees hier meer

Toaltied: k Wiet niet en Overdieps -Tonko Ufkes

Geregeld heuren we van aander Grunnegers dat we ien t Westerketier van die ‘kwietnieters’ bennen. Dat wordt zeid omdat wij ien ons toal n opvallende ie-klaank hemmen, t is n klaank die ien Noord- en Oost-Grunnen amper veurkomt en ien elks geval niet zo as bij ons. Wij zeggen: ‘wiet’ en ‘niet’ woar verderop ien Grunnen zeid wordt: ‘wait’ en …

Meer lezen

Verder kieken ....

Der is vanzelf veul meer te lezen en te kieken over de streektoal van Grunnen en ver doarbuten.

Nem es een kiekje op één van dizze websites:

Oader, Grunnegs literair tiedschrift

Zakwoordenboek en Spellingsregels

Museum Wierdenland
koeien_vannijs

Foto: Omke Oudeman

Colofon:
Vannijs is de nijsbrief van Stichting Mien Westerkwartier

Redactie:
Willy Bultje
Alie de Vries
Geert Zijlstra


Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
Mientje3
facebook twitter