vannijs kop

Vannijs : April 2021 Nr 4

April dut wat er wil

Midden april... der is veraandering op komst. De snijklokjes steken al n pooske de kop boven de grond uut. Minsen kommen zo langzoamerhand ok weer wat ien buten. t Liekt net of we allemoal wat an t wakker worden bennen. Summige minsen verlangen noar n prik aandern hemmen t al had en nog weer aandern willen et niet. Net as april dut elk wat er wil. Dat is mooi want één ding hemmen we as Westerkwartierders altied wel n beetje had. "Loat ze mor proaten". Ik doe (een beetje) wat ik zulf wil. Veul plezier met de nije Vannijs.

Jan Hut (Veurzitter)

Hulp bij t schrieven ien t Westerkwartiers

Schrieven ien t Westerkwartiers is veur de meeste mensen lasteg en doarom hemmen we wat toal/schrief tips op een rijtje zet ien de zogenoamde Waarkbloaden. De aankommende periode ploatsen we die met regelmoat op onze website. Ien elke òflevering is er n verhoal, een gedicht en een rijtje stoere woorden te lezen en te beluustern. Net as bij de Vannijs kin je, je ok abonneren op de Waarkbloaden. Dan ben je altied as eerste op e hoogte. De Waarkbloaden stoan ok op: Waarkbloaden Schrieven ien t Westerkwartiers
cropped-Knipsel.jpg

Tonko Ufkes - Nije verhoalenbundel 'De weg dreumen'

End april verschient de nije verhoalenbundel van Tonko Ufkes: ‘De weg dreumen’. t Is al weer zien vierde verhoalenbundel en de tweede die uutkomt bij Het Drentse Boek. Ien dit boek stoan zo’n 40 körte en lange verhoalen en achterop t kaft stijt doarover: “ien sobere toal [wordt] over gewone mensen verteld. Hij nemt de lezer met het verhoal ien en verrast geregeld deur een verrassende òfloop.”
De prizzentoatsie van de bundel is op 29 april, mor t is nou nog onduudlek hoeveul mensen der dan bij weden maggen en hoe of t aalmoal verlopt. Toch kin de bundel al wel besteld worden; loat n berichtje achter op de website www.tonkoufkes.nl dan komt t ien de bus. Vanòf begun mei kin bestellen vanzulf ok bij de boekhandel.
Ufkes-Tonko-ZW

Van de Wetholder: Ronde toavel

De doagen worden langer en alhoewel april slim kold is kriegen we ok weer wat meer zun om e kop. Met andere woorden; t is veurjoar en mensen kriegen t veurjoar weer ien e kop! Vanmörgen las ik ien t Dagblad dat de vrijwilligers van museum Nienoord alle spinrag vot hoald hemmen en dat t museum weer glimt as n ekkel. …

Meer lezen
Van de wetholder: Ronde toavel

Ik proat plat, dust met? Digitoal deel 3

Met mekoar on-line Westerkwartiers proaten. De lock-down is nog van kracht, dus zoek we mekoar nog een keer via de computer op. We vertellen mekoar verhoalen, lezen gedichten veur en ik kin me veurstellen dat onze Waarkbloaden aan bod kommen.

Veur iedereen die groag luustert, groag wat kwiet wil, komt er weer n uurtje op 29 april om 19.30 bist digitoal welkom via dizze link
Afbeelding1

k Vecht aaid tegen de bierkaai - Reinder Willem Hiemstra

k Vecht aaid tegen de bierkaai.
Ik aarme stumper die ik ben,
leggen te mieren met dien pen,
druk voak de effs te grif en zwaai
te lang de lus, te breed te grof.
Ik moet meer rekken as n prof.
k Vecht aaid tegen de bierkaai.
Rechtop met hoaren as n den,
mor fikst de haand n vaster draai
dan glundert elk en priest mien stof.
n Ezelshaals holdt van n aai
met mooie woordjes die der ken.
k Vecht aaid tegen de bierkaai.

(uut e dichtbundel ‘Een zachte steneging’)
Zelf een mooi gedicht schreven, stuur em dan noar info@mienwesterkwartier.nl

Lees hier meer

Kroepen en vliegen- Tonko Ufkes - April 2021

Ien t haarfstnummer van t tiedschrift Krödde uut 2015 stijt t verhoal ‘De takkedroager’ van Reinder Willem Hiemstra en hij vertelt doarien over “lievemeneerstieken” of “joardierkes”. Dizze tiekjes kommen ien t buuswoordenboekje van Siemon Reker veur met n haandvol noamen: wel kikt bij t Hollandse woord “lieveheersbeestje” viendt as Grunneger woord: “(h)eertuutje, (lai)meneerstiekje enz.” Krekt as de “lievemeneerstieken” van Hiemstra …

Meer lezen

Verder kieken ....

Der is vanzelf veul meer te lezen en te kieken over de streektoal van Grunnen en ver doarbuten.

Nem es een kiekje op één van dizze websites:

Woordwaark, project rond Grunnger toal

Zakwoordenboek en Spellingsregels

Tomos, n podcast met een biebelse boodschap ien e streektoal
koeien_vannijs

Foto: Omke Oudeman

Colofon:
Vannijs is de nijsbrief van Stichting Mien Westerkwartier

Redactie:
Willy Bultje
Alie de Vries
Geert Zijlstra


Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
Mientje5
facebook twitter