|
Vannijs : November 2020 Nr 7
|
|
De kracht van 't eigen verhoal ien zien eigen toal
Der binnen vast niet veul minsen die dizze tekst kennen. Wat ons betreft wordt dat aans. Dizze regel komt uut het “Volkslied van het Westerkwartier.” De tekst & melodie bennen van Gert Sennema en de harmonisatie & arrangement van Roelf Postma. Nou ons toalgebied één gemeente worden is kinnen we ok aan e gang om dat verder ienhold te geven. As t aan ons leit goan we aan e gang om t volkslied verder aan te pitjen. De tekst en meziek stijt op pepier. We hemmen nou alle tied om et uut e kop te leren. We hemmen ja toch verder niks om handen. Dus veur alle körpsen, koren, rappers, solisten en bands leef jim uut. Nim jim uutvoering op en stuur et noar ons. Wel
wiet komt er n dag woarop alles live te heuren is.
Het Volkslied van het Westerkwartier “Wij, zand, veen en Klei” is te vienden op onze
De eerste die et refrein van het lied op Tiktok zet krigt n oardegheidje.
Jan Hut (Veurzitter)
|
|
|
|
JEEP, van Kamp tot Kamp is n boek met anekdotes over et leven van handeloar en woonwoagenbewoner Jeep Posthumus (*1892 - †1963). Et boek geft een beeld van e tied woarien Jeep leefde, bv op t Roderveld en ien e woonwoagen veur de oorlog. Volgens summegen was Jeep een vrijbuiter, volgens andern een meedogenloze kirrel, mor volgens de schrievers een …
|
|
|
|
|
Rabo Club Support weer mooi resultoat
|
|
|
Ok dit joar deden we weer met aan de Rabo ClubSupport-actie. Leden van de Rabobank konden ons waarderen met punten en dat leverde dan weer een stuk van de priezentoart op. Dit joar kregen we ruum € 560,- Mooi metnommen ien dizze barre tieden. Dank aan elkeneen die op ons stemd het en aan de bank veur dizze mooie actie.
|
|
|
|
|
Agenda
|
Ien de kommende periode bennen der weer diverse activiteiten. Ze stoan op onze website ien de agenda.
|
|
|
|
|
|
Van et bestuur van Mien Westerkwartier kreeg ik de vroag of ik of en toe es n stukje schrieven wil veur jim nijsbrief. Als geboren smalrug (Griepskerk) en getogen Westerketierder het de streektoal me veural grepen, noa de joaren dat ik een poar joar ien t midden van t land woond heb. Ik luuster groag noar streektoalmeziek en lees meer …
|
|
|
|
|
Vannijs het al 343 abonnees
|
En we hemmen de smoak te pakken. Webstee Mien Westerkwartier draait weer as n zunnetje. We willen groag meer lezers len vroagen doarom jim hulp. Stuur dizze mail deur noar iemand met interesse veur et Westerkwartier, de toal sprekt, of het groag wil leren. Aanmelden kin op Mien Westerkwartier.
|
|
|
Schel'iefke- Are Meijer
|
|
je kennen zoveul vroagen hebben veur een
|
heur noam wer nuumd as t ging over boeren
|
van e Goarkeuken, boerenlaand achter t spoor
|
ze moet wel n apaarte kiek op e wereld had hebben
|
heur ogen stonden scheef:
|
ze woonde ien n hutje ien t laand
|
woar leefde ze van? hoe kwam ze aan boodschappen?
|
brochten boeren heur wat eier, wat melk?
|
t stienen veurhuus was krap 2 meter laang en breed
|
toen ik schuulde ien e schuur veur regen en wiend
|
was er niet meer van over as n poar stukjes muur
|
hoe is ze dood kommen? woar is ze bleven?
|
woarom liet ze heur ienmetselen deur duustere leegte?
|
der wuiven nog n poar bomen woar heur huuske ston
|
der bennen aal minder die heur bijnoam kennen
|
der braandt nog n lut keerske langzoam op
|
Zelf een mooi gedicht schreven, stuur em dan noar info@mienwesterkwartier.nl
|
|
|
Toaltied: Aaltje en Renskje, mor ok Willy en Ria - Tonko Ufkes
|
Op t online tiedschrift “Neerlandistiek” is op 23 okt. 2020 n artikel ploatst van Gerrit Bloothooft en David Onland, twee toalenmannen die onderzuuk doan hemmen noar Grunneger veurnoamen ien e 19e eeuw. Dizze mannen goan veur de 19e eeuw uut van veurnoamen per regio. Wat opvalt bij de vraauwennoamen ien t Westerketier is dat t hiel voak gijt om n …
|
|
|
Verder kieken ....
|
Der is vanzelf veul meer te lezen en te kieken over de streektoal van Grunnen en ver doarbuten.
|
Nem es een kiekje op één van dizze websites:
|
|
|
|
|
|
Foto: Omke Oudeman
|
Vannijs is de nijsbrief van Stichting Mien Westerkwartier
|
Alie de Vries Geert Zijlstra
|
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee. Stuur de Vannijs door aan uw vrienden of kennissen, die interesse hebben voor het Westerkwartiers. Iets bij te dragen, graag mailen naar info@mienwesterkwartier.nl
|
|
|
|
|