|
|
|
Alpmoal Veul Heil en Zegen!
Zo, al het geknapbus en de eterij hemmen we weer achter de rug en we wenden ons weer vol goeie moed noar t nije joar, n nog onbeschreven blad pepier. En n leeg blad pepier neudegt uut om te schrieven en dat is krekt wat wij ok groag doen willen. We bennen op zuuk noar mooie, nije verhoalen over t Westerketier en hemmen besloten n wedstriedje te begunnen. Onder de titel ‘t Schierste verhoal van t Westerketier’ zuken we vertelverhoalen veur de mannen en vraauwen van ‘Kom op Verhoal’. Lees t onderstoand artikel mor eefkes deur, dan wietst wat de bedoeling is en doe veural met. Kinst dan ok drekst metdoen aan e Provincioale Schriefwedstried.
Der bennen nou nog laange, duustere winteroavends om der es goed veur te goan zitten.
Geert Zijlstra (veurzitter)
|
|
t Schierste verhoal van t Westerketier
foto: Wiepie Tolsma in actie (foto Willy Bultje)
De vertellers van Kom Op Verhoal bennen op zuuk noar nije verhoalen en neudegen joe uut om een mooi kört vertelverhoal te schrieven dat hum ofspeult ien t Westerketier. As we de koart van onze streek derbij hemmen, moeten we eileks een punaise prikken kennen, doar woar t verhoal heurt. Het verhoal moet ien ongeveer 10 minuten te vertellen weden en magst het ien streektoal of ien t ABN aanleveren. Magst ok aangeven ofst het zulf vertellen wilst of dat wij een verteller opzuken moeten. Op 30 meert kiezen we de kandidoat verhoalen uut en worden de verhoalen koppeld aan n verteller. Ien mei worden de verhoalen dan prissenteerd aan t publiek en bepoalt een jury wat de beste combinoatsie verhoal/verteller is. Wees niet benauwd, pak de pen, schrief dien verhoal en stuur het op noar info@mienwesterkwartier.nl. Zet der eefkes bij ‘Mien Schierste Verhoal’.
Kiek veur spelregels en zukswat op www.mienwesterkwartier.nl
Broddelwaark bij boer Doatemoa
Op zundag 12 februari goan we weer broddeln. Schrievers, dichters, muzikanten en vertellers bennen welkom om nij waark aan de collega’s te loaten heuren en opbaauwende kritiek te ontvangen.
We begunnen elke keer om 19:30 uur. Bist welkom!
Meld dij aan bij info@mienwesterkwartier.nl. Gewoon kommen, kieken en luustern mag ok, mor wel aanmelden groag. De ruumte is bepaarkt.
Zet de volgende doatums alvast ien e agenda:
18 maart 2012
15 april 2012
Prissentoatie Liekover
Melle Hijlkema foto: Omke Oudeman
Melle Hijlkema het de gedichten die er de leste joaren schreven het, soamenvoegd ien e bundel “Liekover”. “Liekover” wer op 2 december prissenteert ien Stad. Goed 80 minsen wadden noar de hal van het Huis van de Groninger Cultuur kommen om dat bij te wonen (zie foto).
Het resultoat mag der weden. Een mooie bundel met staarke gedichten en n kaanshebber veur de streektoalpries van t Dagblad van t Noorden.
Sprankelende vernijing - Coby Poelman-Duisterwinkel
Der ken gain jonge wien
ien olle huden
dai scheuren deur
t broesend, gistend vocht.
Hai moakt t stugge sluutkoord
veur vernijing lös.
Ontsluut veur Hom
wat ien t olle schoelging
en loat die vullen
deur Zien sprankelende
geestverroeming.
Bij Lucas 5 : 38
De agenda.
Dunderdag 9 Feberwoarie:
Opening multifuncioneel muziekcentrum ‘Baron Theater’ Opende
De openingshandeling wordt verricht deur K.B. Dijkstra burgemeester van Grodegast
en Dhr Sid Baron uut Washington State, Amerika.
Aanvang 19.00 uur
Vrijdag 10 Feberwoarie: Openingsfestiviteiten ‘Baron Theater’ Opende
‘De bestemming’ een muzikoal verhoal schreven en regisseerd deur Alie de Vries.
Speuld en zongen deur kiender van e beide basisscholen en ienwoners van Opende en de muzikanten van Crescendo.
Aanvang: eerste veurstelling 19.00 uur
tweede veurstelling 20.30 uur
Entree: gratis
Reserveren: www.barontheater.nl
Zotterdag 11 Feberwoarie:
Cabaretveurstelling van Marc van de Veerdonk, de veurstelling is baseerd op t boek ‘Het wrede paradijs’ van Hylke Speerstra, met als thema emigratie.
Aanvang 20.00 uur
Reserveren: www.barontheater.nl
Zundag 12 Feberwoarie: Broddelwaark
Bij Boer Doatema, Maarsdiek 2 op t Foan. aanvang: 19.30 uur, vrij entree
Aanmelden via info@mienwesterkwartier.nl
Kiek veur meer nijs op www.mienwesterkwartier.nl
Agnes van Eupen exposeert
Van 1 december 2011 tot 1 meert 2012 hangen der schilderijen van kunstenoares Agnes van Eupen ien e vergoaderzalen van t Cultureel Centrum ien Zuudhörn, Jellemaweg 3 ien Zuudhörn.
De ruumtes bennen meesties vrij toegankelek, ienformeer aans van te veuren.
Agnes het laang ien Lutjegast en Seballeburen woond en waarkt en is één van e acht beeldend kunstenoars ien t boek ‘Moest Lezen’.
Ien 2011 is ze verhuusd noar Meppen.
Schrieven veur Kreuze
Kreuze is n tiedschrift veur ale Grunnegers, deur ale Grunnegers. Elkenaine kin en mag wat insturen. As je t ook n moal perbaaiern willen, din hebben ze ok wat schrieftips veur joe. Kiek ok mor es op www.kreuzekeuze.nl
• Veur verhoalen is der n maksimoale lengte van rond 1.800 woorden en geern as Word-bestaand iensturen
• Veur gedichten, verskes en zukswat is de ruumte in prinsiepe onbepaarkt.
• As je der n schiere (achtergrond)oafbeelden bie hebben, krieg wie dij geern as lös bestaand.
• Kreuze is n tiedschrift veur de Grunneger toal, maisttied zetten ze der gain stukken in dij in aander (streek)toalen schreven binnen.
• Wait je nait (sekuur) hou of je n woord schrieven mouten? Dat in t buutswoordenbouk van Siemon Reker staait is altied goud.
• Meer tips over goud Grunnegers schrieven, kin je vinden op t internet, bieveurbeeld op http://nds-nl.wikipedia.org/wiki/Gr%C3%B6nnegse_toalwiezer.
|
 foto: Omke Oudeman
Colofon
Vannijs is de nijsbrief van
Stichting Mien Westerkwartier
Nr 1 januari 2012
Redactie:
Willy Bultje
Eelke Solle
Tonko Ufkes
Alie de Vries
Geert Zijlstra
Vannijs wordt regelmatig verzonden aan de abonnees. Onderaan deze nieuwsbrief vindt u de knoppen voor het aan- en afmelden als abonnee.
Stuur de Vannijs door aan uw vrienden of kennissen, die interesse hebben voor het Westerkwartiers.
Stichting Mien Westerkwartier is in 2007 opgericht om meer bekendheid te geven aan de taal en cultuur van het Westerkwartier.
Dat doen we door:
- te fungeren als vraagbaak
- het stimuleren van een netwerk
- een podium te bieden
- projecten uit te voeren
- activiteiten te organiseren
- cursussen/workshops te geven
- het publiceren van een website, de nieuwsbrief en een cultuuragenda.
|
| Spreuk: “Een bietje ruug, boert bliksems best”. |
|
|
|
|
