Joe bennen hier: Thuus
Vannijs Mien Westerkwartier 2009 Nr 2
Onderwerp: Vannijs Mien Westerkwartier 2009 Nr 2
Verzenddatum: 0000-00-00 00:00:00
Mail nr #: 2
Inhoud:

nijs_01

Nou alweer een nije Vannijs. Joa, as der wat te melden is dan moeten je derbij weeden, vandoar.
De eerste week Kunst-aan-Huis zit r op en t het ons goed voldoan. De reacties van t publiek wadden goed en ok het soamenwaarken met de Fraizen ging uut e kunst. We moeten veul meer goan doen met ons grensgebied. Dat e toal net eefkes aans is, dat is juust spannend.
Kiek noar de annere activiteiten ankommende moand. Op vrijdag 20 meert is de uutslag van de schriefwedstried ien Zuudhörn en de middag rond Doornbosch ien Nuus is ok de muite weerd.
t Wordt weer mooi weer, kom noar buuten!
Geert Zijlstra
"Op e tast" Tonko Ufkes

t Liekt wel de aankundiging van eeb spelshow op tillevisie, moar t gijt om e nije bundel van dichter/schriever Tonko Ufkes. Vrijdag 6 meert liet er t waark oapetröts aan e wereld zien ien Franssum. Zien vrouw Maria het e holtdrukken moakt en dizze keer is t meerkleurig oafdrukt. De middag werd verder vult met gedichten en verskes van verscheidene Westerketierder dichters en schrievers. De bundel 'Op e tast' lijt ien e boekhandel en is te bevroagen bij Tonko zelf ien Grunnen.

Tonko met e redactie van Krödde, foto Omke Oudeman


Nije webredacteur: Willy Bultje
We bennen bliede dat we een nij redactrice veur onze website vonden hebben. Heur noam is Willy Bultje en zij gijt ons de kommende tied helpen om t uuterluk en de inholt van de website te verbeteren.
Aan joe de vroag om verskes, gedichten en verhoalen te blieven sturen noar info@mienwesterkwartier.nl

Vertellers veur Ei-Ei Westerkwartier
Op tweede poasdag moet t Westerketier bol stoan van activiteit. Het Toeristisch Platform organiseert dan diverse zoaken onner e titel Ei-Ei-Westerkwartier.
Ze bennen nog op zok noar mensen die verhoalen willen vertellen op biezundere plekken ien t Westerkier. De verhoalen bennen al kloar. Hemmen joe doar idee bij stuur een mail noar info@mienwesterkwartier.nl
Nijhoof, foto Omke Oudeman

14 Meert Ate Doornbosch-dag ien Nuus
De ien Nuus geboren en getogen Ate Doornbosch presenteerde tussen 1957 en 1993 ruum 1300 oafleverings van t radioprogramma Onder de groene linde. Doarvoor verzoamelde hij in hiel Nederland en Vlaanderen traditionele verskes.
Op zoaterdag 14 meert wordt ien e Vrijborg in Nuus aandacht aan besteed.
Kiek op http://mienwesterkwartier.nl/index.php?option=com_events&task=view_detail&agid=51&jevtype=icaldb&year=2009&month=03&day=14&Itemid=1&catids=58
Kunst aan Huis route 2009
Ok ien t tweede weekend dut Mien Westerkwartier met aan de Kunst-aan-Huis route van het Lauwersland. Op 14/15 meert stoan van 11:00 tot 17:00 dichters ien e kerk en e Auberge Visvliet kloar om veur te lezen en liedjes te zingen.
Veur t precieze programma moet je ien onze agenda kieken www.mienwesterkwartier.nl en de ateliers die metdoen aan de route vien je op:

http://www.kunstaanhuis.nl/

Mark Spijkers in actie in Visvliet, foto Omke Oudeman

Op dizze doagen is ien e Hervörmde Kerk van Visvliet een foto-tentoonstelling te zien van Omke Oudeman en zien Friese collega Elie Woude. Muite weerd.

Schriefwedstried 2009
De priesuutrieking van e Grunneger Schriefwedstried veur t Westerkwarier is op 20 meert ien t Cultureel Centrum van Zuudhorn. Slim benijd welk Verhoal, Gedicht, Verske of Toneelstukje dit joar wonnen het en deur gijt noar de finale ien Stad.

Streektoalmenu ien Visvliet
Lekker eten en luusteren noar verskes en gedichten ien t Westerketiers of Fries. Kom op 14 meert om 18:00 noar de Auberge ien Visvliet. Doar krieg je een 3-gangenmenu met as toetjes Adri v.d. Veen, Alie de Vries, Melle Hylkema, Ate Gryspstra en Geert Zijlstra. Wel van te veuren eefkes reserveren bij de Auberge (0594-249555), want vol is vol!
Snelbienders - Coby Poelman-Duisterwinkel

Hai knupt de endjes an mekoar
mor ze bennen hailemoal goar
en as er tas der weer onder stopt
knappen ze op n aander stee kepot.
Der is nait veul tied te prakezeren
Hoe zal er zich verweren?
k ben slim benaid wat er besluut
hai is er nog nait uut.

t Is beter dat k mie der nait met bemui
en k brei weer verder aan zien trui.
n Pooske loater heur
ik klink van achterdeur,
gerammel ien gereedschapskist
hai het er n olle spin uutvist.
Der zitten nog moar twoi hoaken aan
mor doar steurt er zich nait aan

De tas zit vast, al is t wat schaif
Hai zugt mie kieken en lacht es laif
met doem omhoog kiek ik hom noa
veurdat k noar boeten goa
en de rötzooi overzug
Hai is vot nog nait weer terug.
Straks mor weer verder breien,
Doar lig k al op de kneien.

 

 landschap
foto: Omke Oudeman
Colofon

Vannijs is de nijsbrief van
Stichting Mien Westerkertier
Nr 2 meert 2009

Redactie:
Geert Zijlstra
Eelke Solle
Tonko Ufkes

Vannijs wordt regelmatig toegezonden aan personen die zich aangemeld hebben. Onder aan deze nieuwsbrief vindt u de knoppen voor het aan- en afmelden.
Schroom niet om de Vannijs door te sturen aan uw vrienden of kennissen, die interesse hebben voor het Westerkwartiers.

Iets bij te dragen, graag mailen naar info@mienwesterkwartier.nl

Stichting Mien Westerkwartier is in 2007 opgericht om meer bekendheid te geven aan de taal en cultuur van het Westerkwartier.
We doen dat door:
- netwerkfunctie en vraagbaak
- stimuleren van uitgaven
- organisatie activiteiten
- cursussen/workshops
- website en nieuwsbrief.
Kijk voor meer informatie ook op www.mienwesterkwartier.nl
Wel hard lopt denkt er niet om, wel stoarig lopt zigt t niet
uw abonnement:


Acajoom GPL 3.2.7, Joomla extensions powered by Joobi.