Noa twee joar perberen moet ien 2009 duudlek worden woarom we as Mien Westerkwartier ien e wereld bennen. Noar ons idee is dat om zien te loaten hoe goed je met t Westerketiers uut e voeten kennen en om heuren te loaten hoe dat klinkt. Met onze website en e nijsbrief bennen we een mooi ende op streek, mor t kin vanzulf altied beter.

Ien elks geval willen we dit joar perberen om meer as 50 kammeroaden aan ons te bienden. Een mooi getal, want dat stelt ons ien stoat om weer een aparte uutgoave te moaken voor 2010. "Moest Heuren", de CD die de Kammeroaden ien 2009 kriegen, dut t geweldig. We hemmen al zo'n 700 exemploaren verkocht. Bist nog gien Kammeroad? Geef dij dan op via de website, der zit n aparte knop met "Word Kammeroad".

Veur dit joar stoan der al weer verscheiden zoaken op stoapel. De cursus van meert ien Nuis gijt niet deur, niet genog belangstelling, moar we stoan weer breeduut ien Visvliet met de Kunst aan Huis route

Tot 1 meert kon je met doen aan e provincioale schriefwedstried. Op vrijdag 20 meert is de uutslag ien Zuudhörn. Die eerste pries moet nou mor es een keer noar dizze kaant van Stad har ik zo docht.