foto Omke Oudeman
De leste week augustus waas e manifestatie Op Verhaal op Nienoord actief. Een aantal Westerketierder vertellers was derbij as gids/verteller. Op Nienoord keken de bezoekers noar een poar Landart-kunstwaarken, die de kommende moand ok nog stoand. Doarnoast wer het sprookje Peter en de Wolf opvoert ien t openluchttheater. Ok weer zo’n mooie vertelleng, die ok best es ien t Westerketiers ken. Mien Westerkwartier zuukt meer van dat soort soamenwaarkens, want we denken dat schrievers, dichters, vertellers en muzikanten voak een leuke extra bijdroage leveren kennen.
Ok willen we der nog groag wat vertellers bij hemmen. Doarom een nije workshop ‘Vertellen’ ien het noajoar van 2010. Hest ienteresse? Dan eefkes kieken op www.komopverhoal.nl veur t leste nijs van de vertellers en om dij aan te melden.
Help!!
Stichten Mien Westerkwartier is op zuuk noar lu, die ons n haandje helpen willen. t Besturen van dizze club is één ding, mor het uutvoeren is n tweede. Doe huufst dus niet ien t bestuur, mor krigst n vaaste toak, die deurgoans, gewoon thuus op het meest geschikte moment uutvoert worden ken. Ien de kommende Vannijs-uutgoaves, zillen we hieltied n veurbeeld numen. Kiek ok op ons website onder t kopke ‘Doe zulf met’, doar stoan de klussen opsomt.
We zuken een: Redactielid Vannijs
Wel wil op zuuk noar nijtjes en agendabericht, die opnommen worden in de Vannijs, op e agenda van Mien Westerkwartier en op Kom op Verhoal. Wat rondsneupen op t internet, de lokoale kraanten lezen en n mail-box uutlezen, dat bennen de veurnoamste toaken. Doarnoast holst ok ien e goaten wanneer der een nije uutgoave van Vannijs kommen moet. Met 2 uur ien de week komst n hiel ende!
De agenda
Culturele Markt – Kleintje Pinkstermarkt op Leek
3 september, Vrijdagmidddag en oavend
Uitmarkt PLACK
11 september organiseert Het platform voor Kunst en Cultuur van de gemeente Grootegast’ heur eerst Uitmarkt in Nijkerk. Om 20:00 optreden van de band Tangarine
Open Monumentendag
Op 11 september ien hiel Nederland, mor ok ien t Westerketier, o.a. de gemeente Zuudhörn
KUG Korenroute 2010
Op 18 september op fiets laangs kerken ien Middag-Humsterland, waar diverse koren zingen. De dag wordt ien Zuudhörn ofsloten met een concert van KUG (Koor Uut Grunnen) en Sijtse Scheeringa. Kiek ok op: http://www.kug-zuidhorn.nl/Korentour.html
Willem Tjebbe Oostenbrink ien e priezen
foto Omke Oudeman
Willem Tjebbe Oostenbrink het e tweede pries van bij de Freudenthalpreis kregen! Dit is de belangriekste pries veur Nedersaksisiche schrieverij en bestijt al roem viefteg joar. Ienstuurde gedichten, verhoalen, teneelstukken en zuks ien t ‘platduuts’ en ‘oostnederlands’ worden bij dizze priesvroag bekeken. Ien t duutse stadje Schneverdingen krigt Willem Tjebbe Oostenbrink op 25 september zien dik verdiende tweede pries.
Caspar deRoblesdiep - Willem Tjebbe Oostenbrink
Caspar de Roblesdiep - Wotterpoëzie X
De Allerheiligenvloed
brocht störmleed en n Spanjool,
hij overwon onenegheid
vlugger as op zien elfendartegsten.
Zien scheppeng verbond
Grunnen stad en Vriesland
trok deur t Westerkertier
n diep spoor.
Veen het zien eigen logikoa,
groaven is ambacht,
voaren is genoade.
t Diep is zachjes-an verdwenen
ien t laand wiezen stukken
knoal naarns hin.
Vingers strekken heur uut
ien n streven van n aanroakeng
zunder dat aarms
et berekken kennen
Pruven van hoagelnije meziek, verhoalen en gedichten
Deur de winter henne willen we zo’n zes oavenden organiseren woar schrievers, dichters, vertellers en muzikanten mekoar nij waark loaten zien en heuren. n Soort broedstoof met nij waark. Deelnemmers moeten minimoal vier keer metdoen, zodat we elke keer een mooie nije oogst hemmen.
Twee vroagen:
Reactie groag noar info@mienwesterkwartier.nl
Viefteg joar Geertslim de muite weerd
Oflopen 10 juli wer n doaverend feest holden ien Pieterziel want ons veurzitter Geert Zijlstra waas viefteg joar worden! n Hiel nust mensen wolden doar groag bij weden, ok al omdat Geert - as grote man van Mien Westerkwartier – zo’n nust dut veur de streek en de streektoal. Geert wer die oavend vanzulf toezongen mor as echte meziekman het er, soamen met Piet Buist, ons ok toezongen.
Mien Westerkwartier en alle westerketierders hopen en verwachten dat Geert de volgende viefteg joar lieke aktief blift!
