|
Zotterdag vloog de Vannijs mij zo moar onner handen weg. Excuus, hij was nog niet kloar. Nou de echte versie.
Niet veul nijs dizze reis, moar we wollen joe toch eefkes wiezen op de eerste try-out van Kom op Verhoal. Twaalf vertellers hemmen de òflopen moanden haard oefend op het vertellen van heur verhoalen en lestdoags hemmen we ien Visvliet al ien 'niet veur de poes', dus kom kieken.
Vedder een nust activiteiten in de regio en een klein ploatje van Tammo, die hadden je nog te goed van de veurige keer.
Denk ok aan 'Dichters ien e Tuun' op 14 juni ien Nijhoof, de deelnemmers stoan hieronder vermeld.
|
 |
Kom op Verhoal ien Olhoof
Verteller Alex Bultje op de Hayemaheerd (foto: Willy Bultje)
Kommende woensdag 19 mei om 20:00 uur is de eerste veurstelling van Kom op Verhoal. Een oavend Kom op Verhoal is luusteren noar spannende en gekke verhoalen en luusteren noar meziek.
Doar tussendeur is genog tied om nog even wat bij te proaten met de buurman aan toafel... en wel wiet hest zelf ok nog wel een mooi stoer verhoal.
Kiek hieronder veur t affiche
2010-0519_oldehove_kom op verhoal.pdf
Dizze eerste keer hemmen we een markante locatie, noamelek de schuur van boerderij Hayemaheerd. Ien dizze boerderij kennen je tegenwoordig sloapen ien t stroo, moar de geest van vroeger, woart der nog rond. Hiel biezunder... en dat geheimzinnige rooie deurtje op de zolder. Wat zol doar met west weden?
De ientree is moar drie Euro en dan krieg je ok nog een kop kovvie toe. Thuus blieven kost meer!
Klik op t ploatje hieronder om een plakje te reserveren, want vol-is-vol.
Tammo en de film
De veurige keer vertelden we al over t stripfuguurke Tammo van Henk Roede. We hemmen Tammo nou ok ien beeld en we hemmen dizze week onze ogen uutkeken ien café "t Kwartiertje" ien Groodegast. Nee gien echt café, moar het levensechte decor van de nije productie van Filmclub Westerkwartier. Het speult zich allemoal òf ien n klein kroegje op t dörp, altied gezellig, altied wat vremds te doen en altied goed van eten en drinken.
Henk Roede hoopt dat t weer net zon succes wordt as 'Die van Hiernoast" en Piet Buist en Geert Zijlstra bennen al ien e weer met en nij liedje veur de film.
Dichters ien e tuun
Op 13 juni een nije versie van "Dichters ien e tuun" bij Eisseshof ien Nijhoof. Ok dizze keer weer een bult olde en nije dichters, woaronder Alie de Vries, Lucie Pakes en Jan Blaauw, Tonko Ufkes en Willem Tjebbe Oostenbrink.
De middag begunt om 15:00 uur en de meziek wordt dizze keer doan deur Nijhoofster Sijtse Scheeringa.
Lentekriebels
Op 16 mei werd de manifestatie Lentekriebels holden ien 'De Tapperij' ien Grijpskerk. Op initiatief van Koos van de Goot, die trouwens gien nachtburgemeester van Zuudhörn wordt, kwammen een flink aantal daansers, dichters, schrievers en muzikant bijmekoar. Koos mog niet kloagen over de belangstelling. Kiek hieronner moar eefkes noar de ploatjes van Willy Bultje.      |
 foto: Omke Oudeman
Colofon
Vannijs is de nijsbrief van
Mien Westerkertier
Nr 6 mei 2010
Redactie:
Geert Zijlstra
Willy Bultje
Eelke Solle
Tonko Ufkes
Vannijs wordt regelmatig toegezonden aan personen die zich aangemeld hebben. Onder aan deze nieuwsbrief vindt u de knoppen voor het aan- en afmelden.
Schroom niet om de Vannijs door te sturen aan uw vrienden of kennissen, die interesse hebben voor het Westerkwartiers.
Stichting Mien Westerkwartier is in 2007 opgericht om meer bekendheid te geven aan de taal en cultuur van het Westerkwartier.
We doen dat door:
- netwerkfunctie en vraagbaak
- stimuleren van uitgaven
- organisatie activiteiten
- cursussen/workshops
- website en nieuwsbrief.
|
