Elke dinsdag wordt het Dagblad van het Noorden opvrolekt deur n lut stripverhoaltje van Multi-talent Henk Roede uut Grootegast. Zien hoofdfiguur Tammo het een reiskoffer kregen van zien Opa en floept hen-e-weer noar biezundere plakjes ien t Westerkwartier.
Henk is ok de spil van Filmclub Westerkwartier en let wieten dat ze vannijs ien e weer bennen met n film. Specioal veur dizze film is n stamkroeg noabaauwd ien de olde boekewinkel van Grootegast.
De film ‘Die van Hiernoast” waas een hit. De oflopen moanden waas de film ien meerdere delen te zien op 1TV, de nije regionoale nijs- en ienformoatsiezender
Achter de muziek aan
Ien de ienleiden ston al dat der de kommende tied van alles en nog wat te heuren valt.
5 mei Bevrijdingsfestival ien Stad, met Westkaant Stad
7 mei Grunneger oavend ien Visvliet, m.m.v. Sijtse Scheeringa, Piet Buist en Bert Hadders
16 mei De Tapperij Griepskerk, Lentekriebels met o.a. Gert Sennema & Roelie ter Veld, Piet Buist & Geert Zijlstra, Tineke Rouw
29 mei Eiseshof Nijhove , Martin Korthuis
Zie veur detail de agenda van
www.mienwesterkwartier.nl
Dichters ien e tuun 2010
Melle Hylkema ien 2009, foto Omke Oudeman
Op zundagmiddag 13 juni wordt veur de daarde moal ‘Dichters ien e tuun’ hollen bij Eisseshof ien Nijhoof. De middag begunt om 15:00 uur en zil weer veul varioatsie bieden.
Gasten bennen o.a. Tonko Ufkes en Willen Tjebbe Oostenbrink.
Wilst zulf ok metdoen as dichter, nem dan contact op met Tonko Ufkes (tel. 050-5417650)
Kiek ien Kreuze
Net veur 1 mei kwam de nij “Kreuze”, we hemmen t al weer over nummer 24, uut.
Weer boordevol met mooie verhoalen en gedichten uut Grunnen. Doe Jan en Henk nou es n plezier en geef zo ok wat Westerketierder munitie.
Kiek op
www.kreuzekeuze.nl veur de nije ofleveren
Op n karperjong - Reinder W. Hiemstra
n Bergeend las ien t Legeland
n wodderpiek veur uut de krant
hoe dat n gans uut Pieterziel
ien Visvliet toe heur nust uut viel
omdat n karperjong wel wis
dat ganzepoot ok lekker is.
Theater op de grond en op t water
Theatergroep WAARK speult van 16 tot en met 29 mei op t Reitdiep bij Electra, Op camping "De Waterwolf", (Teenstraweg 4, Lauwerziel) stapst op de boot veur n biezundere veurstellen ien t Grunnegs. Kiek op www.waark.nl veur meer gegevens en doar kinst ok de koarten bestellen.
SWET is drök ien de weer met de veurstellen op e Leek. Volgens de produksie wordt het weer een ‘grootse’ oflevering van SWET, die hum ofspeult op e Leek rond Nienoord en op de locoatsie van drukkerij Bronsema. De koartverkoop is begonnen, de veurstellens bennen end september /begun oktober.
Wiststoe wel dat SWET een landeleke pries wonnen het? Op 25 meert wer de Passie op het Platteland pries uulangt aan Gert Sennema en zien terecht, trötse kornuiten.Kiek op
www.swet.nu
Treinreizen - Willem Tjebbe Oostenbrink
Woar tegels overgoan ien strepen
wiezen lienen de weg
tieden verglieden
over t iesdern spoor
tellen tuzzen perrons
niet meer met
Landschap zunder hoast
roast naargens noar toe
op zien stilst as t veurbij vlugt
Reizen is onderweegs weden
wachten oplöst ien bewegeng
As t landschap uutroast is
krigt tied vannijs gestalte
dan begunt weer t wachten
krekt zo vierkant as de tegels.
