Luut van ‘t Sielje is de schrieversnoam van Luitjen Kuipers (Lauwersziel 1921 – Griepskerk 2007). Hij schreef verhoaltjes en gedichtjes en veul doarvan stoan ien zien drie boekjes: “Hoe gijt t met dij” (1990), “t Wad zunder dieken” (1992), “Dit is de leste” (1997). Dizze boekjes bennen ien eigen beheer uutgeven.
Luut van ‘t Sielje zien waark stijt niet ien tiedschriften en t ontbrekt misschien doardeur an n goeie redaksie: geregeld kommen we kromme zinnen en veurspelboare verhoalen tegen. Toch is de toal sums oareg, veural ien t eerste boekje bruukt Van ‘t Sielje nog woorden as ‘wêr’ en ‘dêr’, loater wordt dat ‘woar’ en ‘doar’, om het meer “algemeen-Grunnegs” te moaken (ien Lauwerziel zeggen ze ‘wèr’ en niet ‘woar’).
|
|
Lees meer... [Luut van t Sielje]
|
|
|
Tonko Ufkes (1958) wer groot op Zeuvenhuzen. Hij schrift al joaren gedichten, verhoaltjes en stukjes over geschiedenis en toal, meest veur de tiedschriften ‘Krödde’ en ‘ Toal en Taiken’. Ien 2009 kwam zien viefde dichtbundel “Op e tast” uut. Met zien vraauw en kiender, zien pieken, doeven en knienen woont er nou ien Stad
|
|
Lees meer... [Tonko Ufkes]
|
|
Jelte Dijkstra, n man ien e mist. |
|
Jelte Dijkstra wer op 7 juli 1879 geboren ien Griepskerk, as oldste zeun van Lieuwe Dijkstra en Egbertje Wetsema. Dit timmermansgezin woonde ien e Molenstraat ien Griepskerk, en hier groeide Jelte op, soamen met zien zus Christina en zien jong overleden broer Nicolaas. Noa de kweekschoel ien Stad wer hij ien janewoari 1899 schoelmeester ien Noordbroek. Doar leerde er ien zien kosthuus Rebecca Jacoba Bosscher kennen en Jelte en Betje traauwden ien Stad op 18 mei 1909. Vanoaf 1905 was Jelte Dijkstra schoelmeester ien Stad, eerst an e Prinsenstraatschoel en loater wer er hoofdmeester an e 8e schoel an e Schoolholm. Jelte Dijkstra overleed op 4 mei 1946, zien vraauw op 8 meert 1969. t Echtpoar woonden ien e Frederikstraat op nr. 40 – al gaauw t redaksieadres van ‘Maandblad Groningen’.
Bindert Helder & Tonko Ufkes
|
|
Lees meer... [Jelte Dijkstra, n man ien e mist.]
|
|
Jant Nienhuis - Tonko Ufkes |
|
Jant Nienhuis (1897-1975) en heur verhoalen. Tonko Ufkes
t Is al weer 60 joar leden dat t eerste verhoal van Jant Nienhuis ien t Westerketiers verscheen. Dat verhoal, "Net as veurtied" ston ien 1949 ien t tiedschrift ‘Dörp en Stad' en t stijt ok noa dizze ienleiden. Veur 1949 har Jant Nienhuis ien t Hollaands schreven mor ok toen waas t meest geliek duudlek dat Nienhuis van vroeger uut Olhoof kwam. Zo stijt meteen ien t verhoal "De vos" dat t speult rond heur geboortedörp. "De vos" ston ien 1929 ien t tiedschrift ‘Groot Nederland', toen n bekend tiedschrift woar b.v. Louis Couperus en Nescio veur schreven en woar ok verhoalen van Jelte Dijkstra ien te vienden bennen.
Ien 1941, 1946, 1949, 1950 en ien 1954 verschenen Hollandstoalege romans van heur en tussendeur nog n boek over de schilderes Maria Sibylla Merian. Geregeld komt streektoal veur ien die romans; mensen proaten of zingen ien e toal van Olhoof, mor eerst rond 1949 schrift Jant Nienhuis hielendal ien t Westerketiers.
Het tiedschrift ‘Dörp en Stad' ontston ien 1949 uut n ander bladje, de bekende K. ter Laan wer hoofdredacteur en wel wiet is dat belangriek west veur t schrieven ien t Westerketiers. Ien elks geval stonden noa t verhoal "Net as veurtied" nog n beste haandvol verhoalen van Jant Nienhuis ien ‘Dörp en Stad'. (Vanof de joaren1953 tot an 1957) Ze schreef ok veur t tiedschrift ‘De Warf', ien t Hollaands en n verhoal ien heur eigen toal.
|
|
Lees meer... [Jant Nienhuis - Tonko Ufkes]
|
|
|
|
|
|
